ഒരുകാലത്ത് കുടുംബ പ്രേക്ഷകരുടെ ഇഷ്ടനായക നടനായിരുന്നു ജയറാം. 2018-എന്ന പുതിയ വര്‍ഷം ജയറാമിന് സമ്മാനിക്കുന്നത് ഒരുപിടി മികച്ച ചിത്രങ്ങളാണ്‌. അതിന്റെ ആദ്യ സൂചനയാണ് രമേശ്‌ പിഷാരടി സംവിധാനം ചെയ്യുന്ന പുതിയ ചിത്രം ‘പഞ്ചവര്‍ണ്ണതത്ത’. ഗംഭീരമായ മേക്കോവോറോടെയാണ് ജയറാം പുതിയ ചിത്രത്തില്‍ പ്രത്യക്ഷപ്പെട്ടിരിക്കുന്നത്. ഒരു കുതിരക്കൊപ്പം നില്‍ക്കുന്ന ജയറാമിന്റെ മൊട്ടയടിച്ച ഗെറ്റപ്പ് ഇതിനോടകം സോഷ്യല്‍ മീഡിയയില്‍ ഹിറ്റായി കഴിഞ്ഞു. സൂപ്പര്‍ താരങ്ങളായ മമ്മൂട്ടിയും മോഹന്‍ലാലും തെരെഞ്ഞെടുക്കുന്നതിനെക്കാള്‍ നല്ല ചിത്രങ്ങളിലൂടെയാകും ചിലപ്പോള്‍ ഈ വര്‍ഷത്തെ ജയറാമിന്റെ സിനിമാ പ്രയാണം.
മണിയന്‍പിള്ള രാജുവാണ് ‘പഞ്ചവര്‍ണ്ണതത്ത’ നിര്‍മ്മിക്കുന്നത്. കുഞ്ചാക്കോ ബോബനാണ് ചിത്രത്തിലെ മറ്റൊരു നായകന്‍. ഹരി പി നായരും രമേശ്‌ പിഷാരടിയും ചേര്‍ന്നാണ് ചിത്രത്തിന്റെ രചന നിര്‍വഹിക്കുന്നത്. ചിത്രീകരണം പുരോഗമിക്കുന്ന ‘പഞ്ചവര്‍ണ്ണതത്ത’ വിഷു റിലീസായി പ്രദര്‍ശനത്തിനെത്തും.
Post Your Comments