താരാരാധന തലയ്ക്ക് പിടിച്ചവരാണ് ഫാന്‍സുകാര്‍. പലപ്പോഴും സൂപ്പര്‍ താരങ്ങളെ കാണുമ്പോള്‍ അര്രധകര്‍ അമിതാവേശത്തില്‍ ആകാറുണ്ട്. അത്തരം ഒരു രംഗത്തില്‍ ആരാധകരെ അത്ഭുതപ്പെടുത്തിയിരിക്കുകയാണ് നടന്‍ സൂര്യ. തമിഴകത്തെ ഈ സൂപ്പര്‍ താരത്തിനു കേരളത്തിലും ആരാധകര്‍ ഏറെയാണ്‌. കഴിഞ്ഞ ദിവസം തന്റെ പുതിയ സിനിമയായ താനാ സേര്‍ന്ത കൂട്ടത്തിന്റെ പ്രൊമോഷന്‍ ചടങ്ങില്‍ പങ്കെടുക്കാന്‍ കേരളത്തില്‍ എത്തിയ സൂര്യ ആരാധകരെ ഞെട്ടിപ്പിച്ചു. തന്റെ കാലില്‍ വീണ ഒരു ആരാധകരുടെ കാലില്‍ തിരികെ വീണ് സൂര്യ കാണികളെ അമ്ബരപ്പിച്ചു.
ആത്മഹത്യാ ശ്രമത്തിലൂടെ വാര്‍ത്തകളില്‍ നിറഞ്ഞു നിന്ന നടി സിന്ധു മേനോന്‍ എവിടെ?
സൂപ്പര്‍ താരങ്ങളുടെ കാലില്‍ ആരാധകര്‍ വീഴുന്നത് ആദ്യമായിട്ടൊന്നുമല്ല. എന്നാല്‍ മറിച്ച്‌ സംഭവിക്കുന്നത് അപൂര്‍വ്വമാണ്. സൂര്യയുടെ ഈ പ്രവൃത്തി എല്ലാവരെയും അതിശയിപ്പിച്ചു. സ്റ്റേജില്‍ ഓടിക്കയറിയ ഒരാള്‍ ആദ്യം സൂര്യയുടെ കാലില്‍ തൊട്ടു. ഉടന്‍തന്നെ സൂര്യ ആരാധകന്റെ കാലില്‍ തൊട്ടു. തൊട്ടുപിന്നാലെ മറ്റൊരു ആരാധകനും സൂര്യയുടെ കാലില്‍ തൊട്ടു. അയാളുടെ കാലിലും സൂര്യ തൊട്ടു. ഇനിയാരും തന്റെ കാലില്‍ വീഴരുതെന്ന് സൂര്യ അവരോട് അപേക്ഷിച്ചു. തുടര്‍ന്ന് ആരാധകര്‍ക്കൊപ്പം താനാ സേര്‍ന്ത കൂട്ടം സിനിമയിലെ സൊടക്ക് മേലെ എന്ന ഗാനത്തിനൊപ്പം നൃത്തം ചെയ്യുകയും ചെയ്തു.
ആരാധകര്‍ കാലില്‍ വീഴുന്നത് കട്ടൗട്ടില്‍ പാലഭിഷേകം നടത്തുന്നതുമൊക്കെ സൂര്യ നേരത്തേ വിലക്കിയിട്ടുണ്ട്. സൂര്യയെ കാണണമെന്നും ഒപ്പംനിന്ന് ചിത്രമെടുക്കണമെന്നും ആവശ്യപ്പെട്ടപ്പോള്‍ അവരെ സ്റ്റേജിലേക്ക് കടത്തിവിടാന്‍ സൂര്യ നിര്‍ദേശിച്ചു.
SUPPORT : ക്യാന്‍സറിനോട് മല്ലിടുന്ന നാലുവയസ്സുകാരി; സഹായം അഭ്യര്‍ഥിച്ച് മാതാപിതാക്കള്‍ 
LINK TO DONATE : https://goo.gl/oKHre2
Post Your Comments