മികച്ചൊരു അഭിനേത്രിയാണ് ലെന. ഏതു വേഷവും തന്മയത്വത്തോടെ അഭിനയിച്ചു ഫലിപ്പിക്കാന്‍ കഴിവുള്ള അപൂര്‍വ്വം നടിമാരില്‍ ഒരാള്‍. മലയാളത്തിന് പുറമേ അന്യഭാഷാ ചിത്രങ്ങളിലും കരുത്തുള്ള കഥാപാത്രങ്ങള്‍ ലെനയെ തേടിയെത്തിയിട്ടുണ്ട്. മലയാളത്തിലെ ഒന്നാം നിര യുവതാരങ്ങളുടെ അമ്മയായും ലെന അഭിനയിച്ചിട്ടുണ്ട്. പ്രിഥ്വിരാജ്, ദുല്ഖര്‍ സല്‍മാന്‍ ഇപ്പോള്‍ പ്രണവിന്റെ അമ്മയായും വേഷമിട്ടിട്ടുണ്ട്. അമ്മയായും, അനിയത്തിയായും, നായികയുടെ കൂട്ടുകാരിയായും ,പോലീസ് ഓഫീസറായും നല്ല വേഷങ്ങളിലൂടെ ലെന പ്രേക്ഷകനെ വിസ്മയിപ്പിച്ചിട്ടുണ്ട്‌. എല്ലാ കാര്യങ്ങളിലും വ്യക്തമായ അഭിപ്രായങ്ങള്‍ ഉള്ള നടി കൂടിയാണ് ലെന. അതുകൊണ്ട് അനാവശ്യ വിവാദങ്ങളില്‍ ലെന പെടാറുമില്ല. മുടിയൊക്കെ വെട്ടിയൊതുക്കി കുറച്ചു മെലിഞ്ഞു കൂടുതല്‍ സുന്ദരിയായാണ് ലെന ഇപ്പോള്‍ വേദികളില്‍ വരാറുള്ളത്.
വെജിറ്റേറിയനായ ശിവദ ഇറച്ചിവെട്ടുകാരിയായി : അനുഭവം പങ്കുവെച്ച് താരം
ഭാരം കുറച്ചതും മുടി വെട്ടിയൊതുക്കിയതും കുറെ വര്‍ഷങ്ങളായുള്ള ആഗ്രഹമായിരുന്നു എന്നാണ് ലെന പറയുന്നത്. മെലിഞ്ഞപ്പോള്‍ തനിക്ക് എല്ലാ വേഷവും ചേരുന്നുണ്ട്. മുമ്പ് ചുരിദാറും, സല്‍വാര്‍ കമ്മീസുമാണ് ഉപയോഗിച്ചിരുന്നത്. ഇപ്പോള്‍ കുറച്ചു സ്വാതന്ത്ര്യം തോന്നുന്നുണ്ട് എന്നും താരം പറയുന്നു. സിനിമയിലെ സംഘടനകളെക്കുറിച്ചും ലെനയ്ക്ക് വ്യക്തമായ അഭിപ്രായമുണ്ട്. സിനിമാക്കാരുടെ സംഘടനായ ‘അമ്മ’യിലും സീരിയല്‍ താരങ്ങളുടെ സംഘടനായ ‘ആത്മ’യിലും മാത്രമേ അംഗത്വമുള്ളു. വിമണ്‍ ഇന്‍ സിനിമാ കളക്ടീവില്‍ അംഗമല്ല. അതിന്റെ മെമ്പര്‍ഷിപ്പിന്റെ വിവരങ്ങളൊന്നും തനിക്ക് അറിയില്ലെന്നും ഒരു ചാനലിന് അനുവദിച്ച അഭിമുഖത്തില്‍ ലെന പറയുന്നു.
Post Your Comments