തമിഴ് സൂപ്പര്‍ താരം വിക്രം നായകനാകുന്ന സ്‌കെച്ച് പൊങ്കല്‍ റിലീസായി എത്തുകയാണ്. ചിത്രത്തിനെക്കുറിച്ചുള്ള പുതിയ പ്രതീക്ഷകളും മറ്റും പങ്കുവെയ്ക്കുന്ന സംവിധായകന്‍ വിക്രമിനൊപ്പം താന്‍ മുന്പ് ഒരുമിച്ചപ്പോള്‍ ഉണ്ടായ ചിത്രങ്ങളുടെ പരാജയത്തെക്കുറിച്ച് തുറന്നു പറയുന്നു. വിജയ് ചന്ദര്‍ ആണ് സ്‌കെച്ച് ഒരുക്കുന്നത്. ചിയാന്‍ വിക്രം നായകനായി എത്തിയ മുന്‍ ചിത്രങ്ങളായ രാജാപട്ടൈ, 10 എന്‍ട്രതുക്കുള്ളെ തുടങ്ങിയ സിനിമകളെക്കുറിച്ച് വിജയ് ചന്ദര്‍ പ്രതികരിച്ചത്.
വിക്രം നായകനായി എത്തുകയും വലിയ ഹൈപ്പ് കിട്ടുകയും ചെയ്ത ചിത്രങ്ങളാണ് 10 എന്‍ട്രതുക്കുള്ളെ, രാജപട്ടൈ തുടങ്ങിയവ. എന്നാല്‍, ഇവ രണ്ടും തിയേറ്ററില്‍ നിരാശപ്പെടുത്തുകയും ഏറെ വിമര്‍ശനങ്ങള്‍ ഏറ്റുവാങ്ങുകയും ചെയ്തിരുന്നു. ‘ഞാനും ആ ചിത്രങ്ങള്‍ കണ്ടപ്പോള്‍ നിരാശനായി. ഞാന്‍ ആ തെറ്റുകള്‍ ആവര്‍ത്തിക്കില്ല. വെറുമൊരു വാണിജ്യ ചിത്രമല്ല സ്‌കെച്ച്. അതിന്റെ കഥയ്‌ക്കൊരു ജീവനുണ്ട്, നല്ലൊരു തിരക്കഥയുണ്ട്. കഥയില്‍ നല്ലൊരു പങ്കും റിയലിസ്റ്റിക്കാണ്. അതൊരു പെര്‍ഫോമന്‍സ് ഓറിയന്റഡ് തിരക്കഥാണ്, ഇമോഷന്‍സിനൊക്കെ വലിയ പ്രാധാന്യം അതിലുണ്ട്.’ വിജയ് ചന്ദര്‍ പറയുന്നു
Post Your Comments