ബോളിവുഡില്‍ നിരവധി ശക്തമായ സ്ത്രീ കഥാപാത്രങ്ങളെ അവതരിപ്പിച്ച നടിയാണ് വിദ്യാ ബാലന്‍. വിദ്യാ ബാലനെ സംബന്ധിച്ചുള്ള പുതിയ വാര്‍ത്ത താരത്തിന്റെ ആരാധകരെ ഏറെ സന്തോഷിപ്പിക്കുന്നതാണ്. ഇന്ത്യയുടെ ‘അയണ്‍ ലേഡി’യായ ഇന്ദിരാഗാന്ധിയായി വിദ്യാബാലന്‍ സ്ക്രീനിലെത്തുന്നതിന്റെ ആദ്യ സൂചനയാണ് ഇപ്പോള്‍ പുറത്തുവരുന്നത്.
പത്രപ്രവര്‍ത്തകയും എഴുത്തുകാരിയുമായ സാഗരികാ ഘോഷിന്റെ ‘ഇന്ദിര, ഇന്ത്യാസ് മോസ്റ്റ് പവര്‍ഫുള്‍ പി എം’ എന്ന പുസ്തകത്തിന്റെ സിനിമാ അവകാശം വിദ്യാ ബാലനും ഭര്‍ത്താവും ചേര്‍ന്ന് സ്വന്തമാക്കിയിരിക്കുകയാണ്. സാഗരിക തന്നെയാണ് ഈ സന്തോഷ വാര്‍ത്ത ട്വിറ്ററിലൂടെ പങ്കുവച്ചത്. ഇന്ദിരാഗാന്ധിയുടെ വേഷത്തില്‍ വിദ്യാബാലനെ കാണാന്‍ കാത്തിരിക്കുകയാണെന്നും സാഗരിക ട്വിറ്ററില്‍ കുറിച്ചു. ഇന്ദിരാഗാന്ധിയായി വേഷമിടുന്നത് തന്റെ ഏറ്റവും വലിയ സ്വപ്നങ്ങളില്‍ ഒന്നാണെന്ന് പലപ്പോഴും വിദ്യാബാലന്‍ പങ്കുവച്ചിട്ടുണ്ട്.
Post Your Comments