തെന്നിന്ത്യന്‍ സൂപ്പര്‍താരം സൂര്യയ്ക്ക് കേരളത്തിലും ആരാധകര്‍ ഏറെയാണ്‌. നടീ നടന്മാര്‍ സൂപ്പര്‍ താരങ്ങളായി മാറിക്കഴിയുമ്പോള്‍ അന്യ ഭാഷകളിലേയ്ക്ക് ചേക്കേറുന്നത് സാധാരണം. നിരവധി ആരാധകര്‍ ഉള്ള സൂര്യ തമിഴ് ചിത്രങ്ങളില്‍ മാത്രമാണ് അഭിനയിക്കുന്നത്. താരത്തിന്റെ മലയാള സിനിമാ പ്രവേശനത്തെക്കുറിച്ച് ആകാഷയോടെ ഇരിക്കുന്ന ആരാധകരോട് താന്‍ എന്തുകൊണ്ട് മറ്റു ഭാഷകളില്‍ അഭിനയിക്കുന്നില്ല എന്നതിന്റെ കാരണം വ്യക്തമാക്കുകയാണ് നടന്‍ സൂര്യ.
”വളരെ താത്പര്യത്തോടെയാണ് ഞാന്‍ മലയാള സിനിമ നോക്കി കാണുന്നത്. എന്നാല്‍ ഒരു മുഴുവന്‍ ചിത്രത്തില്‍ അഭിനയിക്കാന്‍ സാധിക്കുമോ എന്നെനിക്കറിയില്ല. എന്റെ അഭിപ്രായത്തില്‍ അഭിനയിക്കുന്നെങ്കില്‍ അറിയാവുന്ന ഭാഷയില്‍ ഓരോ ചെറിയ വാക്കുകളും അറിഞ്ഞു വേണം അഭിനയിക്കാന്‍. എങ്കില്‍ മാത്രമേ അഭിനയത്തോട് നീതി പുലര്‍ത്താന്‍ സാധിക്കുകയുള്ളൂ എന്ന് ഞാന്‍ വിശ്വസിക്കുന്നു. അതുകൊണ്ട് തന്നെയാണ് മറ്റ് ഭാഷകളിലേക്കും ഞാന്‍ ചുവടുമാറാത്തത്.” കഴിഞ്ഞ ദിവസം ‘താനാ സേര്‍ന്ത കൂട്ടം’ എന്ന തന്റെ ഏറ്റവും പുതിയ ചിത്രത്തിന്റെ പ്രചാരണാര്‍ത്ഥം കൊച്ചിയിലെത്തിയിരുന്നു സൂര്യ.
Post Your Comments