‘ഇര’ പറയുന്നത് എന്താണ്?

വൈശാഖും ഉദയകൃഷ്ണയും നിര്‍മ്മാണ രംഗത്തേക്ക് കടന്നു വരുന്ന ആദ്യ ചിത്രമാണ് ‘ഇര’. ചിത്രീകരണം പൂര്‍ത്തിയായ ഇരയുടെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. നവാഗതനായ സൈജു എസ് സംവിധാനം ചെയ്യുന്ന ചിത്രത്തില്‍ ഉണ്ണി മുകുന്ദനാണ് നായകനാകുന്നത്. ജനപ്രിയ നായകന്‍ ദിലീപിന്റെ ജയില്‍ ജീവിതവുമായി ബന്ധപ്പെട്ട കഥയാണ് ചിത്രം പറയുന്നതെന്നാണ് പിന്നണി സംസാരം. ചെയ്യാത്തകുറ്റത്തിന് പൊലീസ് കുറ്റവാളിയാക്കിയ ഒരു യുവാവ്‌ തന്റെ നിരപരാധിത്വം തെളിയിക്കാൻ നടത്തുന്ന പോരാട്ടമാണ് ‘ഇര’യുടെ പ്രമേയം. ഗോകുല്‍ സുരേഷും ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നു. വൈകാതെ തന്നെ ചിത്രം പ്രദര്‍ശനത്തിനെത്തും.