ഫാന്‍സ്‌ അസോസിയേഷന്‍ ഇല്ലാത്ത മലയാളത്തിലെ ഒരേയൊരു നായക നടനാണ് ഫഹദ് ഫാസില്‍. മലയാളത്തിലെ മുന്‍നിര നായകന്‍മാര്‍ക്കൊപ്പം നല്ല സിനിമകള്‍ ചെയ്തു പിടിച്ചു നില്‍ക്കുന്ന ഫഹദ് ഫാസിലിന്റെ പേരില്‍ കേരളത്തില്‍ ഒരു ഫാന്‍സ്‌ അസോസിയേഷന്‍ പോലും ഇല്ലെന്നുള്ളത് അതിശയകരമാണ്.
തനിക്ക് ഒരിക്കലും ആരാധകരെ ആവശ്യമില്ലെന്നും തന്റെ സിനിമകള്‍ക്കാണ് ആരാധകരെ വേണ്ടതെന്നും മനോരമ ഓണ്‍ലൈന്‍ നല്‍കിയ അഭിമുഖത്തില്‍ ഫഹദ് പ്രതികരിച്ചു.
“എന്റെ സിനിമകള്‍ എല്ലാവരും കാണണമെന്ന് ആഗ്രഹം ഉണ്ട്, അത് നല്ലതാണേല്‍ മാത്രം കാണുക, ഫാന്‍സ്‌ അസോസിയഷന്‍ ബുദ്ധിപരമായി ഉപയോഗിക്കുന്ന നടന്മാര്‍ ഉണ്ടാകുമല്ലോ അങ്ങനെയുള്ളവര്‍ക്ക് ഞാന്‍ എതിരല്ല, എനിക്കല്ല ആരാധകരെ വേണ്ടത് എന്റെ സിനിമകള്‍ക്കാണ്”.– ഫഹദ് ഫാസില്‍ വ്യക്തമാക്കി. വേണു സംവിധാനം ചെയ്യുന്ന ‘കാര്‍ബണ്‍’ ആണ് റിലീസിന് തയ്യാറെടുക്കുന്ന ഫഹദ് ഫാസില്‍ ചിത്രം.
Post Your Comments