വിക്രം ആരാധകര്‍ക്ക് ആവേശം നല്‍കുന്ന വാര്‍ത്തയായിരുന്നു ആര്‍.എസ് വിമല്‍ സംവിധാനം ചെയ്യുന്ന ‘മഹാവീര്‍ കര്‍ണ്ണ’യുടെ പ്രഖ്യാപനം. ഇപ്പോഴിതാ ചിത്രത്തിന്‍റെ ഫസ്റ്റ്ലുക്ക് പോസ്റ്റര്‍ അണിയറപ്രവര്‍ത്തകര്‍ പുറത്തുവിട്ടിരിക്കുകയാണ്.
300 കോടി ബജറ്റില്‍ നിര്‍മിക്കുന്ന ചിത്രത്തില്‍ ഹോളിവുഡില്‍ നിന്നുള്ള ഒരു പ്രമുഖ നടനും ‘മഹാവീര്‍ കര്‍ണ്ണ’യുടെ ഭാഗമാകും. 2019-ലാണ് ചിത്രത്തിന്‍റെ റിലീസ് നിശ്ചയിച്ചിരിക്കുന്നത്. യുണൈറ്റഡ് ഫിലിം കിങ്ഡമാണ് ചിത്രം നിര്‍മ്മിക്കുന്നത്. കര്‍ണന്‍ എന്ന പേരില്‍ പൃഥ്വിരാജിനെ നായകനാക്കി ആര്‍.എസ് വിമല്‍ സംവിധാനം ചെയ്യുന്ന ചിത്രമാണ് ‘മഹാവീര്‍ കര്‍ണ്ണ’യായി ഹിന്ദിയിലെത്തുന്നത്.
ബ്ലെസ്സി സംവിധാനം ചെയ്യുന്ന ആട് ജീവിതം, സംവിധായകനായുള്ള പൃഥ്വിരാജിന്‍റെ ആദ്യ പ്രോജക്റ്റ് ലൂസിഫര്‍ എന്നീ ചിത്രങ്ങളുടെ തിരക്കാണ് പൃഥ്വിരാജിന് കര്‍ണന്‍ എന്ന ചിത്രം നഷ്ടമാകാന്‍ കാരണമായത്.
Post Your Comments