ക്രിസ്മസ് വിന്നറായ മമ്മൂട്ടി ചിത്രം ‘മാസ്റ്റര്‍ പീസും’, ജയസൂര്യയുടെ ‘ആട് 2’-വും തിയേറ്ററില്‍ നിറഞ്ഞ സദസ്സില്‍ പ്രദര്‍ശനം തുടരുന്ന വേളയില്‍ ഇരുകൂട്ടരുടെയും ആരാധകര്‍ക്ക് സന്തോഷിക്കാനായി ഇതാ മറ്റൊരു വാര്‍ത്ത, പ്രജീഷ് സെന്‍ നായകനാകുന്ന ‘ക്യാപ്റ്റന്‍’ എന്ന ജയസൂര്യ ചിത്രത്തില്‍ മമ്മൂട്ടി അതിഥി വേഷത്തിലെത്തുന്നു, ‘മമ്മൂട്ടി’ മമ്മൂട്ടിയായി തന്നെ അഭിനയിക്കുന്ന ചിത്രം ഏപ്രില്‍ 4-നു പ്രദര്‍ശനത്തിനെത്തും. ഇന്ത്യന്‍ ഫുട്ബോള്‍ ഇതിഹാസം വി.പി സത്യന്റെ ജീവിത കഥ പറയുന്ന ചിത്രത്തിന്‍റെ നിര്‍മ്മാണം ഗുഡ് വില്‍ എന്റര്‍ടെയ്ന്‍മെന്‍സിന്റെ ബാനറില്‍ ടി.എല്‍ ജോര്‍ജ്ജ് ആണ്. വര്‍ഷങ്ങള്‍ക്ക് മുന്‍പ് മമ്മൂട്ടി മമ്മൂട്ടിയായി അഭിനയിച്ച മറ്റൊരു ചിത്രമാണ് ‘നമ്പര്‍ 20 മദ്രാസ് മെയില്‍’. ടോണി കുരിശിങ്കല്‍ എന്ന രസികന്‍ കഥാപാത്രമായി മോഹന്‍ലാലും ചിത്രത്തിലുണ്ടായിരുന്നു, ചിത്രത്തിലെ ഇരുവരും ഒന്നിച്ചുള്ള കോമ്പിനേഷന്‍ രംഗങ്ങള്‍ പ്രേക്ഷകര്‍ ഇന്നും മറക്കാതെ മനസ്സില്‍ സൂക്ഷിക്കുന്നുണ്ട്.
Post Your Comments