ദിലീഷ് പോത്തന്‍ സംവിധാനം ചെയ്ത സൂപ്പര്‍ ഹിറ്റ് ചിത്രം ‘മഹേഷിന്റെ പ്രതികാരം’, ‘നിമിര്‍’ എന്ന പേരില്‍ തമിഴിലെത്തിക്കുകയാണ് ഹിറ്റ് മേക്കര്‍ പ്രിയദര്‍ശന്‍. ഉദയനിധി സ്റ്റാലിന്‍ നായകനായി എത്തുന്ന ചിത്രത്തില്‍ നമിതാ പ്രമോദും, പാര്‍വതി നായരുമാണ് നായികമാരായി അഭിനയിക്കുന്നത്. സന്തോഷ്‌.ടി കുരുവിളയാണ് ചിത്രം നിര്‍മ്മിക്കുന്നത്. ജനുവരി 26-നു പ്രദര്‍ശനത്തിനെത്തുന്ന ചിത്രത്തിന്റെ ട്രെയിലര്‍ പുറത്തിറങ്ങി.
നമിതാ പ്രമോദിന്റെ ആദ്യ തമിഴ് ചിത്രമാണ്‌ ‘നിമിര്‍’, പ്രിയദര്‍ശന്‍ ചിത്രത്തിലൂടെ തമിഴില്‍ അരങ്ങേറാന്‍ സാധിച്ചത് നമിത എന്ന യുവനടിയെ സംബന്ധിച്ച് വലിയ ഭാഗ്യങ്ങളില്‍ ഒന്നാണ്. മലര്‍ എന്ന കഥാപാത്രത്തെ അവതരിപ്പിക്കുന്ന നമിതാ പ്രമോദിന് ഭാവിയില്‍ കോളിവുഡ് സിനിമാ ലോകത്ത് നിലയുറപ്പിക്കാന്‍ ശേഷിയുള്ള കഥാപാത്രമാണ് പ്രിയദര്‍ശന്‍ നല്‍കിയിരിക്കുന്നത്. ‘മഹേഷിന്റെ പ്രതികാരം’ എന്ന ചിത്രത്തില്‍ അപര്‍ണ ബാലമുരളി ചെയ്ത കഥാപാത്രത്തെയാണ് നമിത നിമിറില്‍ അവതരിപ്പിക്കുക.
Post Your Comments