കൊച്ചി: മെഗാസ്റ്റാര്‍ മമ്മൂട്ടി നായകനായി അഭിനയിച്ച സൂപ്പര്‍ഹിറ്റ് ചിത്രമായ പോക്കിരിരാജയുടെ രണ്ടാം ഭാഗം ഉടന്‍ ഉണ്ടാകുമെന്ന് സൂചന. ഉദയ് കൃഷ്ണ തിരക്കഥ ഒരുക്കുന്ന ചിത്രം സംവിധാനം ചെയ്യുന്നത് വൈശാഖ് തന്നെയായിരിക്കും. ‘മാസ്റ്റര്പീസ്’ എന്ന ഇപ്പോള്‍ പ്രദര്‍ശനം തുടരുന്ന മമ്മൂട്ടി ചിത്രത്തിലെ ഒരു രംഗത്തില്‍ മുഖം കാട്ടുന്ന ഉദയ് കൃഷ്ണ തന്റെ പുതിയ ചിത്രമായി പറയുന്നത് ‘രാജാ 2’ എന്ന് തന്നെയാണ്‌. അതാണ്‌ ആരാധകരെ കൂടുതല്‍ ആവേശത്തിലാക്കിയിരിക്കുന്നത്.
കര്‍ണ്ണനില്‍ നിന്നും പൃഥ്വിരാജ് പുറത്ത്; നായകനായി മറ്റൊരു സൂപ്പര്‍ താരം
ടോമിച്ചന്‍ മുളകുപാടം നിര്‍മ്മിക്കും എന്നായിരുന്നു ആദ്യം വന്ന വാര്‍ത്തകള്‍. എന്നാല്‍ അദ്ദേഹം അത് നിഷേധിച്ചതോടെ ചിത്രത്തെക്കുറിച്ചുള്ള അഭ്യൂഹങ്ങള്‍ കൂടുകയായിരുന്നു. കൂടാതെ വൈശാഖ് മറ്റൊരു ചിത്രം സംവിധാനം ചെയ്യുന്നതായും വാര്‍ത്തകള്‍ വന്നു. എന്നാല്‍ രാജ 2 ഉടന്‍ ഉണ്ടാകും എന്നുള്ള ഉറപ്പാണ് ‘മാസ്റ്റര്പീസ്’ എന്ന സിനിമ കാണുന്ന ഓരോ പ്രേക്ഷകനും മനസ്സിലാകുന്നത്‌. വിജയകരമായി പ്രദര്‍ശനം തുടരുന്ന ഒരു സിനിമയ്ക്കുള്ളില്‍ മറ്റൊരു സിനിമയുടെ പ്രഖ്യാപനം നടത്തുകയായിരുന്നു. ഇതൊരു പക്ഷേ ഇന്ത്യന്‍ സിനിമയില്‍ തന്നെ ആദ്യമായിരിക്കും.
Post Your Comments