‘സമ്മര്‍ ഇന്‍ ബത്ലേഹം’ എന്ന ചിത്രത്തില്‍ ജയറാമിന്‍റെ കഥാപാത്രമായ രവി ശങ്കറിന് പൂച്ചയെ പാഴ്സലായി അയച്ചു കൊടുക്കുന്ന ‘മറവില്‍ കാമുകി’ ആരാണെന്ന്? സിനിമ പറയാതെ പോയത് പ്രേക്ഷകര്‍ക്ക് നിരാശയാണ് സമ്മാനിച്ചത്, രസകരമായ കാമുകി സ്നേഹത്തിന്റെ നിഗൂഡത നിലനിര്‍ത്തിയാണ് സിബി മലയിലും ടീമും ചിത്രം അവസാനിപ്പിക്കുന്നത്.
‘സമ്മര്‍ ഇന്‍ ബത്ലേഹം’ എന്ന ചിത്രത്തിന്റെ രചന നിര്‍വഹിച്ച രഞ്ജിത്തിനോട് ഈ അജ്ഞാത കാമുകി ആരായിരുന്നു? എന്ന് ചോദിച്ചപ്പോഴൊക്കെ അത് എന്നും സസ്പന്‍സ് ആയി തന്നെ നില്‍ക്കട്ടെ എന്നായിരുന്നു രഞ്ജിത്തിന്റെ മറുപടി. എന്നാല്‍ ചാനലിലെ ഒരു ചാറ്റ് ഷോയ്ക്കിടെ ചിത്രത്തിന്റെ സംവിധായകന്‍ സിബി മലയിനോട് ഇതേ ചോദ്യം ഒരു പ്രേക്ഷകന്‍ ആവര്‍ത്തിക്കുകയുണ്ടായി.
അതിനെക്കുറിച്ച് വലിയ അറിവില്ലെന്നും, കൂടുതല്‍ അറിയണമെങ്കില്‍ രഞ്ജിത്തിനോട് തന്നെ ചോദിക്കണമെന്നുമായിരുന്നു സിബി മലയിലിന്റെ മറുപടി.ചിത്രത്തിലെ അജ്ഞാത കാമുകി ആരെന്നു സംവിധായകനായ എന്നോട് പോലും രഞ്ജിത്ത് പറഞ്ഞിട്ടില്ലെന്ന് സിബി മലയില്‍ ചിരിയോടെ പങ്കുവെച്ചു.
Post Your Comments