താരങ്ങളുടെ പുതിയ ചിത്രങ്ങള്‍ക്ക് സോഷ്യല്‍ മീഡിയയില്‍ ആരാധകര്‍ ഏറെയാണ്‌. എന്നാല്‍ നടിമാരോടുള്ള സോഷ്യല്‍ മീഡിയയുടെ ആക്രമണം അതിരുകടക്കുകയാണ് പലപ്പോഴും. സമൂഹമാധ്യമത്തില്‍ പോസ്റ്റ് ചെയ്യുന്ന താരങ്ങളുടെ ഫോട്ടോകള്‍ക്ക് മോശം കമന്റ് എഴുതുന്നത് മാത്രമല്ല, വ്യക്തിപരമായും അവരെ അധിക്ഷേപിക്കാന്‍ സോഷ്യല്‍ മീഡിയ വ്യാപകമായി ദുരുപയോഗം ചെയ്യുന്നു. ഇപ്പോള്‍ സോഷ്യല്‍ മീഡിയ ആക്രമണത്തിന് ഇരയായിരിക്കുന്നത് കീര്‍ത്തി സുരേഷ് ആണ്. പുതിയ ചിത്രത്തിന്റെ ഓഡിയോ ലോഞ്ചിന് വന്നപ്പോള്‍ ധരിച്ച വേഷത്തെ ചൊല്ലി താരത്തെ ട്രോള്‍ ചെയ്തിരുന്നു. എന്നാല്‍ ആദ്യം ഇതെല്ലാം തമാശയായി കരുതിയെങ്കിലും തന്നെ വേദനിപ്പിച്ചു എന്ന് കീര്‍ത്തി പറയുന്നു.
തെലുങ്കിലെ പുതിയ ചിത്രമായ അഗ്ന്യാതവാസി എന്ന ചിത്രത്തിന്റെ ഓഡിയോ ലോഞ്ചിന് വന്നപ്പോഴുള്ള രൂപത്തെ ചൊല്ലിയാണ് കീര്‍ത്തിയ്ക്ക് നേരെ ആക്രമണം നടന്നത്. ആദ്യമൊന്നും ആ ട്രോളുകള്‍ അത്ര കാര്യമാക്കി എടുത്തില്ല എന്നും, എന്നാല്‍ പിന്നീട് അവ എന്നെ ഒരുപാട് വേദനിപ്പിച്ചു എന്നും കീര്‍ത്തി സുരേഷ് പറയുന്നു. വിക്രമിന്റെ നായികയായി സാമി 2 വില്‍ അഭിനയിച്ചു കൊണ്ടിരിയ്ക്കുകയാണ് നിലവില്‍ കീര്‍ത്തി.
https://www.eastcoastdaily.com/movie/keerthi-suresh-is-suryas-heroine/
Post Your Comments