മമ്മൂട്ടി ചിത്രം അന്താരാഷ്‌ട്ര ചലച്ചിത്ര മേളയിലേക്ക്!

മമ്മൂട്ടി ചിത്രം അന്താരാഷ്‌ട്ര ചലച്ചിത്ര മേളയിലേക്ക്. മമ്മൂട്ടിയുടെ തമിഴ് ചിത്രം ‘പേരന്‍പ്’ആണ് റോട്ടര്‍ഡാം ചലച്ചിത്ര മേളയിലേക്ക് സെലക്ഷന്‍ നേടിയത്. ജനുവരി 24-നു ആരംഭിക്കുന്ന മേള ഫെബ്രുവരി നാലിനാണ് അവസാനിക്കുന്നത്. റാം സംവിധാനം ചെയ്തിരിക്കുന്ന പേരന്‍പില്‍ മമ്മൂട്ടിയും സമുദ്രക്കനിയുമടക്കം നിരവധി പ്രമുഖ താരങ്ങള്‍ അഭിനയിക്കുന്നുണ്ട്. വിദേശത്ത് ജോലി ചെയ്യുന്ന ടാക്സി ഡ്രൈവറുടെ റോളിലാണ് മമ്മൂട്ടി അഭിനയിക്കുന്നത്. വൈകാതെ റിലീസിന് എത്തുന്ന ‘പേരന്‍പ്’ മമ്മൂട്ടിയിലെ നടനെ നന്നായി പ്രയോജനപ്പെടുത്തിയിരിക്കുന്ന ചിത്രമായാണ് പറയപ്പെടുന്നത്.