ഐഎംഡിബിയുടെ മികച്ച പത്ത് ചിത്രങ്ങളില്‍ മലയാള സിനിമയും

രാജ്യത്തെ പ്രമുഖ ഓണ്‍ലൈന്‍ മൂവി റേറ്റിംഗ് വെബ്‌സൈറ്റായ ഐഎംഡിബി 2017 ല്‍ ഇറങ്ങിയ മികച്ച പത്ത് ഇന്ത്യന്‍ ചിത്രങ്ങളുടെ പട്ടിക പുറത്തുവിട്ടു. ഈ പട്ടികയില്‍ ഇടം പിടിക്കാന്‍ ഒരു മലയാള ചിത്രത്തിനായി എന്നതാണ് ശ്രദ്ധേയം.

മമ്മൂട്ടിയെ കേന്ദ്രകഥാപാത്രത്തില്‍ അവതരിപ്പിച്ച് ഹനീഫ് അദേനി സംവിധാനം ചെയ്ത ഗ്രേറ്റ് ഫാദറാണ് ഐഎംഡിബി ടോപ് 10 ഇന്ത്യന്‍ ചിത്രങ്ങളില്‍ ഇടംപിടിച്ച് ഏക മലയാള ചിത്രം. സമകാലിക വിഷയങ്ങളായ പീഡോഫീലിയ, പീഡനം എന്നിവ പ്രമേയമാക്കി ചിത്രീകരിച്ച ചിത്രം ഏറെ പ്രേക്ഷക ശ്രദ്ധ നേടിയിരുന്നു. കഥയുടെ ശക്തിയും വിഷയത്തിന്റെ ആഴവും തന്നെയാണ് ചിത്രത്തിന് പട്ടികയില്‍ ഇടംനേടി കൊടുത്തത്.മാധവന്‍, വിജയ് സേതുപതി എന്നിവര്‍ കേന്ദ്ര കഥാപാത്രത്തില്‍ എത്തിയ വിക്രംവേദയാണ് പട്ടികയില്‍ ആദ്യം. രണ്ടാം സ്ഥാനം ബാഹുബലിയും നേടി.

ഐഎംഡിബി ടോപ് 10
1. വിക്രം വേദ
2. ബാഹുബലി ദി കണ്‍ക്ലൂഷന്‍
3. അര്‍ജുന്‍ റെഡ്ഡി
4. സീക്രട്ട് സൂപ്പര്‍സ്റ്റാര്‍
5. ഹിന്ദി മീഡിയം
6. ദി ഗാസി അറ്റാക്ക്
7. ടോയിലറ്റ്: ഏക് പ്രേം കഥ
8. ജോളി എല്‍എല്‍ബി 2
9. മെര്‍സല്‍
10. ഗ്രേറ്റ് ഫാദര്‍