ഫഹദ് ഫാസിലിനെ നായകനാക്കി വേണു സംവിധാനം ചെയ്യുന്ന പുതിയ ചിത്രമാണ് കാര്‍ബണ്‍. കാടിന്‍റെ പശ്ചാത്തലത്തില്‍ കഥ പറയുന്ന കാര്‍ബണ്‍ മലയാള സിനിമയ്ക്ക് ഇതുവരെ പരിചിതമല്ലാത്ത വ്യത്യസ്ത ശൈലിയോടെയാണ് ഒരുക്കിയിരിക്കുന്നത്. പ്രശസ്ത ബോളിവുഡ് സംഗീത സംവിധായകന്‍ വിശാല്‍ ഭരദ്വാജാണ് ചിത്രത്തിന്റെ സംഗീത സംവിധാനം. വേണു തന്നെ സംവിധാനം ചെയ്ത ദയ എന്ന ചിത്രത്തിന്റെ സംഗീതം നിര്‍വഹിച്ചതും വിശാല്‍ ഭരദ്വാജായിരുന്നു. മംമ്ത മോഹന്‍ദാസ് നായികയാകുന്ന ചിത്രത്തില്‍ ദിലീഷ് പോത്തൻ, നെടുമുടി വേണു, മണികണ്ഠൻ ആചാരി എന്നിവരും കേന്ദ്രകഥാപാത്രങ്ങളായി അഭിനയിക്കുന്നു. ഫെബ്രുവരിയില്‍ ചിത്രം പ്രദര്‍ശനത്തിനെത്തും.
Post Your Comments