2008ല്‍ മിസ് ഇന്ത്യയും മിസ് വേള്‍ഡ് റണ്ണര്‍ അപ്പുമായിരുന്ന പാര്‍വതി ഓമനകുട്ടനെ ഓര്‍മ്മയില്ലേ? യുണൈറ്റഡ് സിക്സ് എന്ന ഹിന്ദിചിത്രത്തിലൂടെ സിനിമയിലേക്ക് എത്തിയ പാര്‍വതി മലയാളം, തമിഴ് തുടങ്ങിയ തെന്നിന്ത്യന്‍ ഭാഷാ ചിത്രങ്ങളിലും അഭിനയിച്ചു. ബില്ല രണ്ടില്‍ അജിത്തിന്റെ നായികയായി തമിഴില്‍ അരങ്ങേറിയ പാര്‍വതി പിന്നീട് സജീവമായില്ല. സൂപ്പര്‍ താരത്തിന്റെ നായികയായി നല്ല തുടക്കം കിട്ടിയിട്ടും കാര്യമായി ശോഭിക്കാന്‍ ഈ താരത്തിനായില്ല.
ഇപ്പോള്‍ വീണ്ടും പാര്‍വതി തിരിച്ചു വരുന്നുവെന്ന് വാര്‍ത്ത. ഇംസായി അരസന്‍ 24 എഎം പുലികേശി എന്ന തമിഴ്ചിത്രത്തില്‍ വടിവേലുവിന്റെ നായികയായാണ് പാര്‍വതിയുടെ രണ്ടാംവരവ്. ചിമ്പുദേവനാണ് സംവിധായകന്‍. 2006ല്‍ പുറത്തിറങ്ങിയ ഇംസായി അരസന്‍ 23 എഎം പുലികേശിയുടെ രണ്ടാംഭാഗമാണിത്. സംവിധായകന്‍ ശങ്കറാണ് ചിത്രത്തിന്റെ നിര്‍മാതാവ്. പതിനെട്ടാംനൂറ്റാണ്ടിലെ രാജാക്കന്മാരുടെ കഥപറയുന്ന സിനിമയില്‍ ഹാസ്യത്തിനാണ് പ്രാധാന്യം.
Post Your Comments