ഏകദേശം 25 ചിത്രങ്ങള്‍ നിര്‍മ്മിച്ച് കഴിഞ്ഞ മോഹന്ലാലിന്റെ നിര്‍മ്മാണ കമ്പനിയായ ആശിര്‍വാദ് സിനിമാസ് മലയാളത്തിലെത്തിച്ച ഭൂരിഭാഗം ചിത്രങ്ങളും സൂപ്പര്‍ ഹിറ്റുകളായിരുന്നു. . നരസിംഹത്തിനു ശേഷം പ്രമുഖ സംവിധായകരുടെ മിക്ക മോഹന്‍ലാല്‍ ചിത്രങ്ങളും നിര്‍മ്മിക്കുന്നത് ആശിര്‍വാദാണ്. മോഹന്‍ലാലിന്‍റെതല്ലാത്ത ഒരു ചിത്രവും ആശിര്‍വാദ് ഇതുവരെയും നിര്‍മിച്ചിട്ടില്ല, എന്നാല്‍ ആശിര്‍വാദ് സിനിമാസ് ആദ്യമായി ആ പതിവ് തെറ്റിക്കുകയാണ്, മോഹന്‍ലാല്‍ ഇല്ലാതെ ആശിര്‍വാദ് നിര്‍മ്മിക്കുന്ന ആദ്യ ചിത്രം ആദി പ്രദര്‍ശനത്തിനു തയ്യാറെടുക്കുകയാണ്. ജീത്തു ജോസഫ് സംവിധാനം ചെയ്യുന്ന പ്രണവ് മോഹന്‍ലാല്‍ നായകനാകുന്ന ചിത്രം നിര്‍മ്മിച്ചിരിക്കുന്നത് ആശിര്‍വാദിന്റെ ബാനറില്‍ ആന്റണി പെരുമ്പാവൂര്‍ ആണ്,
ആശിര്‍വാദ് നിര്‍മ്മാണ കമ്പനി ആദ്യമായി നിര്‍മ്മിക്കുന്ന ചിത്രം നരസിംഹമായിരുന്നു, ആശിര്‍വാദിന് മുന്‍പ് മോഹന്ലാലിന്റെ ഉടമസ്ഥതയിലുള്ള പ്രധാന നിര്‍മ്മാണ കമ്പനിയായിരുന്നു പ്രണവം ആര്‍ട്സ്, കമലദളം, ഭരതം, വാനപ്രസ്ഥം തുടങ്ങിയ പത്തോളം ചിത്രങ്ങള്‍ പ്രണവം ആര്‍ട്സ് നിര്‍മ്മിച്ചിട്ടുണ്ട്.
Post Your Comments