തെന്നിന്ത്യൻ നായികമാരിൽ ആരാധകർ ഏറെയുള്ള താരമാണ് നയൻതാര. ലേഡി സൂപ്പര്‍സ്റ്റാര്‍ എന്ന വിശേഷണമുള്ള നയൻതാര സിനിമയിൽ എത്തിയിട്ട് 14 വര്‍ഷം പൂര്‍ത്തിയാകുകയാണ്. നയന്‍താരയുടെ സിനിമ യാത്രയ്ക്ക് ആശംസകള്‍ അറിയിച്ചിരിക്കുകയാണ് സംവിധായകന്‍ വിഘ്‌നേശ് ശിവന്‍.
നയനിസത്തിന്റെ പതിനാല് വര്‍ഷങ്ങള്‍.കൂടുതല്‍ കരുത്തും വിജയങ്ങളും നിനക്ക് ഇനിയും ഉണ്ടാകട്ടെ എന്നാശംസിക്കുന്നു.നയന്‍താര..അത് തുടര്‍ന്നുകൊണ്ടേയിരിക്കുക. ദൈവത്തിന്റെ അനുഗ്രഹം കൊണ്ട് മനോഹരമായ ഒരു ദിനം. വളരെ സുന്ദരമായ ഒരു ക്രിസ്മസ് ദിനമായിരുന്നു ഇത്. ഒരുപാട് ശുഭപ്രതീക്ഷകള്‍. ഒരുപാട് സ്‌നേഹം..വിഘ്‌നേശ് ട്വിറ്ററില്‍ കുറിച്ചു.
2003 ക്രിസ്മസ് കാലത്താണ് നയന്‍താര ആദ്യമായി അഭിനയിച്ച ജയറാം നായകനായ സത്യന്‍ അന്തിക്കാട് ചിത്രം മനസ്സിനക്കരെ പുറത്തിറങ്ങിയത്. അതിനു ശേഷം തമിഴകത്തേയ്ക്ക് ചുവടുമാറ്റിയ നയന്‍താര ഇന്നിപ്പോള്‍ തെന്നിന്ത്യയിലെ ഏറ്റവുമധികം പ്രതിഫലം പറ്റുന്ന ലേഡി സൂപ്പര്‍ സ്റ്റാര്‍ പദവി സ്വന്തമാക്കിയിരിക്കുകയാണ്.
Post Your Comments