ഏഷ്യനെറ്റ് സംപ്രേഷണം ചെയ്യുന്ന ഐ.എസ്‌എലിന്‍റെ മലയാളം കളി വിവരണത്തിലെ സൂപ്പര്‍ താരമാണ് ഷൈജു ദാമോദര്‍. എല്ലാ ടീമുകളെയും കമന്ററി ബോക്സില്‍ തന്റെ ശബ്ദ സാന്നിധ്യം കൊണ്ട് വളരെ ഊര്‍ജ്ജ സ്വലതയോടെ പ്രോത്സാഹിപ്പിക്കാനെത്തുന്ന ഷൈജു ഐ.എസ്‌എലിന്‍റെ ആദ്യ സീസണില്‍ തന്നെ കയ്യടി നേടിയ താരമാണ് ആദ്യമൊക്കെ ഒട്ടേറെ ട്രോളുകളാല്‍ ഷൈജു പരിഹസിക്കപ്പെട്ടെങ്കിലും മലയാളം സിനിമാ പേരുകളും തമിഴ് സിനിമാ പേരുകളും സിനിമയിലെ ഗാനങ്ങളും താരങ്ങളുമൊക്കെ കളി വിവരിക്കുമ്പോള്‍ ഷൈജു പറയാറുള്ളത് ആരാധകര്‍ കയ്യടികളോടെയാണ് ഏറ്റുവാങ്ങിയത്. കഴിഞ്ഞ ഐഎസ്എല്‍ സീസണിലെ ഷൈജുവിന്റെ പൂമരം വേര്‍ഷന്‍ കളി പ്രേമികള്‍ക്കിടയില്‍ വലിയ തരംഗം സൃഷ്ടിച്ചിരുന്നു. കോപ്പാലും സച്ചിനും പിന്നെ പതിനൊന്നുപ്പേരും ചേര്‍ന്ന് പൂമരം കൊണ്ട് കപ്പലുണ്ടാക്കി എന്ന ഷൈജുവിന്റെ വ്യത്യസ്തമായ കളിവിവരണ ശൈലി ഫുട്ബോള്‍ പ്രേമികള്‍ കയ്യടികളോടെയാണ് സ്വീകരിച്ചത്. എന്നാല്‍ ഇത്തവണ ഐഎസ്എലില്‍ പൂമരം സ്റ്റൈല്‍ മാറ്റിപ്പിടിച്ച് ജിമിക്കി കമ്മലിനെയും , കാബാലിയേയും കൂട്ട്പിടിച്ചിരിക്കുകയാണ് ഷൈജു.
Post Your Comments