ഇന്നസെന്റ് നടന്‍ മോഹന്‍ലാലിന്റെ കടുത്ത ആരധകനാകുന്നു. നവാഗതനായ സുനില്‍ പുവേലി സംവിധാനം ചെയ്യുന്ന ചിത്രത്തിലാണ് നടന്‍ മോഹന്‍ലാലിന്റെ കടുത്ത ആരാധകനായി ഇന്നസെന്റ് വേഷമിടുന്നത്. സുവര്‍ണപുരുഷന്‍ എന്ന ചിത്രത്തിന്റെ കഥയും തിരക്കഥയുമൊരുക്കുന്നത് സംവിധായകന്‍ തന്നെയാണ്. ജീസ് ലാസറും ലിറ്റി ജോര്‍ജും ചേര്‍ന്നാണ് ചിത്രം നിര്‍മ്മിക്കുന്നത്. ഇന്നസെന്റ് അവതരിപ്പിക്കുന്ന റപ്പായി എന്ന കഥാപാത്രം ഒരു കടുത്ത മോഹന്‍ലാല്‍ ആരാധകനാണ്. തിയേറ്റര്‍ ഓപ്പറേറ്റര്‍ ആണ് റപ്പായി. അയാളുടെ ജീവിതത്തിലുണ്ടാകുന്ന സംഭവങ്ങളാണ് ചിത്രം പറയുന്നത്.
ശ്രീജിത്ത് രവി, മനു, സുനില്‍ സുഖദ, കലിംഗ ശശി, ഇടവേള ബാബു, ബിജുക്കുട്ടന്‍, കോട്ടയം പ്രദീപ്, സതീശ് മേനോന്‍, രാജേഷ് തംബുരു, ജയേഷ്, യഹിയ ഖാദര്‍, ലെന, അഞ്ജലി അമീര്‍, ദീപ്തി കല്യാണി, അശ്വതി, കുളപ്പുള്ളി ലീല തുടങ്ങി വന്‍ താരനിര തന്നെ ചിത്രത്തില്‍ അഭിനയിക്കുന്നുണ്ട്.
Post Your Comments