തന്റെ കരിയറിലെ മികച്ച സമയത്തിലൂടെയാണ് നടൻ ടോവിനോ ഇപ്പോൾ. കൈ നിറയെ ചിത്രങ്ങൾ ആണ് ടോവിനൊയെ തേടി വന്നിരിക്കുന്നത്. ‘മായനദി’ എന്ന ആഷിഖ് അബു ചിത്രമാണ് പ്രേക്ഷകർക്കായി ടോവിനോ ക്രിസ്തുമസിനു കരുതിവെച്ചിരിക്കുന്നത്.ഒരു മനോഹരമായ പ്രണയകഥയാണ് ചിത്രം പറയുന്നത്. ചിത്രം തനിക്കു ഒരു പുതിയ അനുഭവം ആണ് സമ്മാനിച്ചത് എന്ന് ടോവിനോ പറഞ്ഞു. എന്നാൽ ചിത്രത്തെ കുറിച്ച് കൂടുതൽ പറയുന്നത് അതിനെ പ്രതികൂലമായി ബാധിക്കും എന്നതിനാൽ കൂടുതൽ വിശദംശങ്ങൾ പറയുന്നില്ലെന്നും അദ്ദേഹം പറഞ്ഞു.
മലയാളത്തിന്റെ പുതു തലമുറയിലെ താരങ്ങളിൽ മുൻപന്തിയിൽ നിൽക്കുന്ന ടോവിനോയ്ക്കു ഈ ക്രിസ്മസ്കാലം സന്തോഷിക്കാനുള്ളതാണ്.മലയാളത്തിന് പുറമെ തമിഴ് സിനിമയിലും ടോവിനൊയെ തേടി അവസരങ്ങൾ വരുകയാണ്. സൂപ്പർ താരം ധനുഷിനൊപ്പം പ്രതിനായക വേഷത്തിലും ടോവിനോ എത്തുന്നുണ്ട്.ആ ചിത്രത്തിന്റെ ചിത്രീകരണം ജനുവരിയിൽ തുടങ്ങും. കൈ നിറയെ ചിത്രങ്ങൾ ഉള്ളതുകൊണ്ട് തന്നെ ടോവിനോക്കു ഇത്തവണ ‘ഹാപ്പി ക്രിസ്മസ്’ തന്നെ.
Post Your Comments