കുഞ്ചാക്കോ ബോബനെ നായകനാക്കി ശ്രീജിത്ത് വിജയൻ തിരക്കഥയൊരുക്കി സംവിധാനം ചെയ്യുന്ന ചിത്രമാണ് കുട്ടനാടൻ മാർപ്പാപ്പ. ശാന്തി കൃഷ്ണയും ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ആലപ്പുഴയുടെ പശ്ചാത്തലത്തില്‍ ചിത്രീകരിക്കുന്ന ഈ സിനിമ നിർമ്മിക്കുന്നത് മലയാളം മൂവി മേക്കേഴ്‌സ്, ഗ്രാൻഡെ ഫിലിം കോർപറേഷൻ എന്നിവയുടെ ബാനറിൽ ഹസീബ് ഹനീഫ്, നൗഷാദ് ആലത്തൂർ, അജി മേടയിൽ എന്നിവർ ചേർന്നാണ്. കുട്ടനാട്ടിലെ ന്യൂജനറേഷന്‍ വെഡ്ഡിംഗ് വീഡിയോ ക്യാമറാമാനായ ജോണിന്റെ ജീവിതത്തിലൂടെയാണ് ഈ ചിത്രം കടന്നുപോകുന്നത്. നാട്ടിലെ കല്യാണങ്ങളിലെല്ലാം ക്യാമറാമാനായി നിറഞ്ഞുനില്‍ക്കുന്ന ജോണിനെ നാട്ടിലെ ചെറുപ്പക്കാരികളില്‍ പലര്‍ക്കും ഇഷ്ടമാണ്. പഞ്ചായത്ത് പ്രസിഡന്റ് ഉമ്മച്ചന്റെ മകളും മെഡിക്കല്‍ വിദ്യാര്‍ഥിനിയുമായ ജെസ്സിയോട് ജോണിന് പ്രണയം തോന്നുന്നു. ഇവര്‍ തമ്മിലുള്ള പ്രണയം അപ്രതീക്ഷിതമായ ചില മുഹൂര്‍ത്തങ്ങളിലേക്ക് കടക്കുന്നതോടെ ഉണ്ടാകുന്ന അനിഷ്ട സംഭവങ്ങളാണ് ചിത്രം പറയുന്നത്. ഒരു പക്കാ കോമഡി ഫാമിലി എന്റെർറ്റൈനെർ ആയാണ് ചിത്രം ഒരുങ്ങുന്നത്.
സംഗീത സംവിധാനം : രാഹുല്‍രാജ്. അരവിന്ദ് കൃഷ്ണ ഛായാഗ്രഹണവും സുനില്‍ എസ്. പിള്ള എഡിറ്റിങ്ങും നിര്‍വഹിക്കുന്നു.അദിതി രവി, ഇന്നസെന്റ് , സലിം കുമാർ, അജു വർഗീസ്, ധർമജൻ ബോൾഗാട്ടി, രമേശ് പിഷാരടി, സുനില്‍ സുഖദ, ഹരീഷ് കണാരന്‍, ടിനിടോം, സലിംകുമാര്‍, ദിനേശ്, വിനോദ് കെടാമംഗലം, സാജന്‍ പള്ളുരുത്തി, മല്ലിക സുകുമാരന്‍ എന്നിവരും ഈ ചിത്രത്തില്‍ അഭിനയിക്കുന്നു. ചിത്രീകരണം ആലപ്പുഴയില്‍ പുരോഗമിക്കുകയാണ്.
Post Your Comments