ഷാജി പാപ്പനും പിള്ളേരും ക്രിസ്മസിന് മൂന്ന്‍ നാള്‍ മുന്‍പേ പ്രദര്‍ശനത്തിനെത്തുമ്പോള്‍ ചിത്രത്തിന്റെ ട്രെയിലര്‍ കണ്ട പ്രേക്ഷകര്‍ നിരാശയിലാണ്. കാരണം ‘ആട് ഒരു ഭീകരജീവിയാണ്’ എന്ന ചിത്രത്തില്‍ ആട് ആയിരുന്നു പ്രധാന ഹീറോ, ആട് 2-ലെത്തുമ്പോള്‍ മിഥുന്‍ മാനുവലും കൂട്ടരും ആടിനെ മറന്നോ എന്നാണ് പ്രേക്ഷകരുടെ ചോദ്യം, മറുപടിയുമായി മിഥുന്‍ രംഗത്തെത്തുകയും ചെയ്തു. ചിത്രത്തില്‍ ആട് ഉണ്ടാകുമെന്ന സന്തോഷവാര്‍ത്ത പ്രേക്ഷകരോട് പങ്കുവെച്ച മിഥുന്‍ ചിത്രത്തിലെ മറ്റു രണ്ടു സസ്പന്‍സുകള്‍ കൂടി പ്രേക്ഷകര്‍ക്കായി പങ്കുവെച്ചു.
നമ്പര്‍ പ്ലേറ്റിന് തൊട്ടുതാഴെ ഷാജി പാപ്പന്‍ എന്നെഴുതിയ ബുള്ളറ്റാണ് ചിത്രത്തിലെ ഒരു പ്രധാന ഹീറോ, രണ്ടു കളറില്‍ കളര്‍ഫുളാകുന്ന മുണ്ടാണ് ഷാജി പാപ്പനൊപ്പമെത്തുന്ന മറ്റൊരു അതിഥി, ആട്-ന്‍റെ ആദ്യ ഭാഗത്തിലെത്തിയ എല്ലാ താരങ്ങളും ആട്-2 വിലും പ്രേക്ഷകരെ ചിരിപ്പിക്കാനെത്തും. ആക്ഷേപ ഹാസ്യത്തിന്റെ ചുവടുപിടിച്ചു മിഥുന്‍ മാനുവല്‍ ഒരുക്കിയ ആട് ഒരു ഭീകര ജീവിയാണ് എന്ന ചിത്രം തിയേറ്ററില്‍ തിരസ്കരിക്കപ്പെട്ടിരുന്നു, പിന്നീടു മിനി സ്ക്രീനിലെത്തിയപ്പോള്‍ ഷാജി പാപ്പനെയും കൂട്ടാളികളെയും പ്രേക്ഷകര്‍ ഇരുകയ്യും നീട്ടി സ്വീകരിച്ചിരുന്നു.
Post Your Comments