നായികാ പദവി ഒരിക്കലും സ്ഥിരമല്ല. ചില നടിമാര്‍ ഭാഗ്യം കൊണ്ട് മികച്ച വേഷങ്ങളിലൂടെ സിനിമയില്‍ നീണ്ട കാലം നായികയായി തുടരുന്നു. ഇന്ന് മോഡലിംഗ് രംഗത്ത് നിന്നും കടന്നു വരുന്ന പല നടിമാരും തുടക്കത്തില്‍ ശ്രദ്ധേയവേഷങ്ങള്‍ ലഭിച്ചിട്ടും കരിയറില്‍ ഒന്നും ആകാതെ പോകുന്നു.
നിരവധി നടിമാര്‍ വന്നു പോകുന്ന സിനിമാ മേഖലയില്‍ തന്റെ ഭാഗ്യം പരീക്ഷിക്കാന്‍ എത്തിയ താരമാണ് അഖില. മിനിസ്ക്രീനില്‍ നിന്നും ബിഗ് സ്ക്രീനിലേയ്ക്ക് എത്തിയ താരംകൂടിയാണ് അഖില. ഒരു സ്വകാര്യ ചാനലില്‍ നടന്നിരുന്ന നൃത്ത റിയാലിറ്റി ഷോയിലൂടെ ശ്രദ്ധേയയായ അഖിലയുടെ ആദ്യ ചിത്രം ദിലീപിനൊപ്പം ആയിരുന്നു.
മലയാള സിനിമയിലെ പ്രധാന താരങ്ങള്‍ അണിനിരന്ന കാര്യസ്ഥന്‍ എന്ന ചിത്രത്തിലൂടെ വെള്ളിത്തിരയില്‍ എത്തിയ അഖിലയുടെ രണ്ടാമത്തെ ചിത്രം പൃഥിരാജിനൊപ്പം ആയിരുന്നു. ദീപു കരുണാകരന്‍ ഒരുക്കിയ തേജ ഭായി ആന്റ് ഫാമിലി എന്ന ചിത്രത്തില്‍. യുവതാരങ്ങളുടെ നായിക ആയെങ്കിലും വിജയം അഖിലയെ തുണച്ചില്ല എന്ന് തന്നെ പറയാം. കാരണം ആകെ രണ്ടു ചിത്രങ്ങള്‍ മാത്രമാണ് അഖില അഭിനയിച്ചത്. വമ്പന്‍ താരങ്ങള്‍ക്കൊപ്പം എത്തിയിട്ടും ഇന്റസ്ട്രിയില്‍ വിജയം കൊയ്യാന്‍ ഈ നടിയ്ക്ക് കഴിഞ്ഞില്ല. ബിഗ് സ്ക്രീന്‍ അവസരങ്ങള്‍ കുറഞ്ഞ താരം മിനിസ്ക്രീന്‍ രംഗത്തും ഇല്ല. അതുകൊണ്ട് തന്നെ അഖില എവിടെ എന്ന സംശയത്തിലാണ് പ്രേക്ഷകര്‍.
Post Your Comments