കൊച്ചി: ഭീഷണിപ്പെടുത്തി പണം തട്ടാന്‍ ശ്രമിച്ചെന്ന യുവതിക്കും സുഹൃത്തിനുമെതിരെ പരാതിയുമായി യുവതാരം ഉണ്ണിമുകുന്ദൻ.തെളിവുകളോടെയാണ് താരം ചേരാനെല്ലൂര്‍ പോലീസിൽ പരാതി നൽകിയത്.
എട്ടു മാസം മുമ്പാണ് സംഭവം നടന്നത്. അപമാനിക്കുമെന്നു ഭീഷണിപ്പെടുത്തി യുവതിയും അവരുടെ സുഹൃത്തുകളും ചേര്‍ന്നു പണം തട്ടാന്‍ ശ്രമിക്കുന്നുവെന്നുകാട്ടി നടന്‍ ഒറ്റപ്പാലം പോലീസിനു പരാതി നല്‍കിയിരുന്നു. സംഭവം നടന്നത് ചേരാനല്ലൂര്‍ സ്റ്റേഷന്‍ പരിധിയിലായിരുന്നതിനാല്‍ ഒറ്റപ്പാലം പോലീസ് കേസ് കൈമാറുകയായിരുന്നു.
കുന്നുംപുറത്തെ ഫ്ലാറ്റില്‍ വാടകയ്ക്ക് താമസിക്കുമ്പോൾ സിനിമാ മേഖലയില്‍ പ്രവര്‍ത്തിക്കുന്ന ഒരു സ്ത്രീയും സുഹൃത്തും കഥപറയാന്‍ എന്ന പേരില്‍ തന്നെ സമീപിച്ചെന്നും തിരക്കഥ കേട്ടശേഷം അഭിനയിക്കാന്‍ താല്‍പര്യമില്ലെന്നു യുവതിയെ അറിയിച്ചിരുന്നെങ്കിലും ഇവര്‍ പിന്നീട് ഭീഷണിപ്പെടുത്തുകയായിരുന്നുവെന്നുമാണു നടന്‍റെ പരാതി. നേരിട്ടും ഫോണിലും ഭീമമായ തുക ആവശ്യപ്പെട്ടതോടെയാണു നടന്‍ പരാതി നല്‍കിയത്.സംഭവുമായി ബന്ധപ്പെട്ട് പോലീസ് അന്വേഷണം ഉർജിതമാക്കി
Post Your Comments