സന്തോഷ് പണ്ഡിറ്റ് സിനിമകള്‍ പ്രേക്ഷകന് തമാശയാണെങ്കിലും ഒട്ടേറെ പുതുമുഖ നായികമാരാണ് സന്തോഷ് ചിത്രത്തില്‍ ആടിപാടനെത്തുന്നത്. സന്തോഷ് പണ്ഡിറ്റ് ചിത്രത്തിലെ ഗാനങ്ങള്‍ ഗ്ലാമര്‍ മയമുള്ളതാണെന്ന രീതിയിലും വിവാദമായി മാറിയിട്ടുണ്ട്. ഗ്ലാമര്‍ ഗാനങ്ങള്‍ യുട്യൂബില്‍ ആളുകള്‍ കൂടുതലായി കാണുന്നത് കൊണ്ടാണ് ഗാനചിത്രീകരണത്തില്‍ അല്‍പസ്വല്പം ഗ്ലാമര്‍ ടച്ച് ചേര്‍ക്കുന്നതെന്നായിരുന്നു മുന്‍പൊരിക്കല്‍ ഒരു ടിവി ചാനലിലെ അഭിമുഖത്തിനെത്തിയപ്പോള്‍ സന്തോഷ് പണ്ഡിറ്റ് വ്യക്തമാക്കിയത്. തന്റെ ഒരു ചിത്രത്തില്‍ ഒരു പ്ലസ്‌ടു കുട്ടി നായികയായി വന്നപ്പോള്‍ ആ കുട്ടിയുടെ ക്ലാസ് നഷ്ടപ്പെടാത്ത രീതിയില്‍ ശനിയും ഞായറും മാത്രമായി ഷൂട്ടിംഗ് വെച്ചുവെന്നും സന്തോഷ് പണ്ഡിറ്റ് പ്രോഗ്രമിനിടെ പങ്കുവെച്ചു. മാസ്റ്റര്‍ പീസ്‌ എന്ന സിനിമയിലൂടെ മെയിന്‍ സ്ട്രീം സിനിമയിലേക്ക് തുടക്കം കുറിക്കുകയാണ് സന്തോഷ് പണ്ഡിറ്റ്. മമ്മൂട്ടിക്കൊപ്പം ഒരു മുഴുനീള വേഷത്തിലാണ് സന്തോഷ് പണ്ഡിറ്റ് ചിത്രത്തിലെത്തുന്നത്.
Post Your Comments