ടെലിവിഷന്‍ സീരിയല്‍ പ്രേമികള്‍ക്ക് സുപരിചിതയായ നടി ശിവാനി ഭായി സിനിമയിലേയ്ക്ക് വീണ്ടും മടങ്ങി വരുന്നു. അവതാരകയായും സീരിയല്‍ നടിയായും തിളങ്ങിയ ശിവാനി കഴിഞ്ഞ ദിവസം റിലീസ് ചെയ്ത നിലാവറിയാതെ എന്ന ചിത്രത്തിലൂടെ സിനിമാ ലോകത്തേക്ക് മടങ്ങിയെത്തിയിരിയ്ക്കുകയാണ്. ശിവാനിയുടെ മടങ്ങിവരവിന് ആശംസകള്‍ അറിയിച്ച് ഇന്‍ര്‍നാഷണല്‍ ക്രിക്കറ്റ് താരങ്ങളാണ് രംഗത്ത് എത്തിയിരിയ്ക്കുന്നത്.
പ്രശസ്ത ക്രിക്കറ്റ് താരമായ പ്രശാന്ത് പരമേശ്വരന്റെ ഭാര്യയാണ് ശിവാനി ഭായ്. പ്രശാന്ത് തന്റെ ഭാര്യയ്ക്ക് നല്‍കിയ ‘സര്‍പ്രൈസാണ്’ ഇന്റര്‍നാഷണല്‍ ക്രിക്കറ്റ് താരങ്ങളെ കൊണ്ട് ആശംസ പറയിപ്പിച്ചത്. മമ്മൂട്ടിയുടെ സഹോദരിയായി അണ്ണന്‍ തമ്പി എന്ന ചിത്രത്തിലൂടെയാണ് ശിവാനി സിനിമാ ലോകത്തെത്തിയത്. തുടര്‍ന്ന് രഹസ്യ പൊലീസ് എന്ന ചിത്രത്തിലും അഭിനയിച്ചു. നാഗ എന്ന തമിഴ് ചിത്രത്തിലും എന്നും എന്ന മലയാള സിനിമയിലും നായികയായി. എന്നിരുന്നാലും മികച്ച രീതിയില്‍ ശ്രദ്ധിക്കപ്പെട്ടിരുന്നില്ല. ശിവാനി നായികയായി അഭിനയിക്കുന്ന മൂന്നാമത്തെ ചിത്രമാണ് നിലാവറിയാതെ.
വീഡിയോ കാണാം
പ്രശസ്ത ഛായാഗ്രാഹകനായ ഉത്പല്‍ വി നായനാര്‍ ആദ്യമായി സംവിധാനം ചെയ്യുന്ന ചിത്രമാണ് നിലാവറിയാതെ. ശിവാനിയെ കൂടാതെ ബാല, അനുമോള്‍, സൈജു കുറുപ്പ്, സന്തോഷ് കീഴാറ്റൂര്‍ തുടങ്ങിയവരും ചിത്രത്തിലെ കേന്ദ്ര കഥപാത്രങ്ങളായി എത്തുന്നു.
Post Your Comments