ഈച്ച എന്ന ചിത്രത്തിലൂടെ ശ്രദ്ധേയനായ തെലുങ്ക് താരം നാനിയും നിത്യാ മേനോനും ഒന്നിക്കുന്നു. ആവേ എന്ന് പേരിട്ടിരിക്കുന്ന ചിത്രത്തിന് വേണ്ടിയാണ് ഇരുവരും ഒന്നിക്കുന്നത്. ചിത്രത്തിന്റെ നിര്‍മ്മാതാവാണ് നാനി. നിത്യാ മേനനും കാജല്‍ അഗര്‍വാളും പ്രധാന വേഷത്തിലെത്തുന്ന ചിത്രത്തില്‍ രവി തേജയും റെജീന കസാന്ദ്രയും അഭിനയിക്കുന്നുണ്ട്.
ചിത്രത്തിന്റെ ഫസ്റ്റ് ലുക്ക് പോസ്റ്റര്‍ സോഷ്യല്‍ മീഡിയയില്‍ ശ്രദ്ധ നേടിക്കഴിഞ്ഞു. യുവത്വത്തിന്റെ കഥ പറയുന്ന ചിത്രം അടുത്ത വര്‍ഷം തിയേറ്ററുകളിലെത്തും. പ്രശാന്തി തിപിറേനിയാണ് ആവെയുടെ മറ്റൊരു നിര്‍മ്മാതാവ്. പ്രേമം , എക്സ്പ്രസ് രാജ , കാര്‍ത്തികേയ തുടങ്ങിയ ചിത്രങ്ങള്‍ ഒരുക്കിയ കാര്‍ത്തിക് ഘട്ടമാനേനിയാണ് ഛായാഗ്രഹണം നിര്‍വഹിക്കുന്നത്.
Post Your Comments