മലയാളത്തില്‍ നിരവധി നായികമാര്‍ വരുകയും ചില ചിത്രങ്ങള്‍ക്ക് ശേഷം അപ്രത്യക്ഷരാകുകയും ചെയ്യുന്നുണ്ട്. അത്തരം ചില നടിമാരില്‍ ഒരാള്‍ ആണ് നടി ചന്ദ്ര ലക്ഷ്മണ്‍. സിനിമയില്‍ നിന്നും സീരിയളിലെയ്ക്ക് കുടിയേറിയ നടിയെ ഇപ്പോള്‍ മലയാളം ടെലിവിഷന്‍ രംഗത്ത് കാണാനേയില്ല.
ഒരു കാലത്ത് മലയാളം സീരിയലുകളില്‍ നിറഞ്ഞു നിന്ന താരമാണ് ചന്ദ്ര ലക്ഷ്മണ്‍. എന്നാല്‍ പിന്നീടു നടി ഈ രംഗത്ത് സജീവമല്ലാതെയായി. തുടര്‍ന്ന് നടി വിവാഹിതയായെന്നും ഭര്‍ത്താവിനൊപ്പം അമേരിക്കയിലേക്ക് പോയെന്നും വാര്‍ത്തകള്‍ പ്രചരിച്ചു. ഭര്‍ത്താവിന്റെ എതിര്‍പ്പിനെ തുടര്‍ന്നാണ് അഭിനയം തുടരാതിരുന്നതെന്നും പ്രചരണം ഉണ്ടായിരുന്നു. എന്നാല്‍ ചന്ദ്ര ലക്ഷ്മണ്‍ എവിടെയും പോയിട്ടില്ല.
താരമിപ്പോള്‍ തമിഴ് ടെലിവിഷന്‍ ലോകത്ത് തിരക്കിലാണ്. ഒട്ടും പ്രതീക്ഷിക്കാതെ സിനിമാ ലോകത്തേയ്ക്ക് എത്തിപ്പെട്ട വ്യക്തിയാണ് ചന്ദ്ര. കാക്കി, ചക്രം, സ്റ്റോപ്പ് വൈലന്റ്‌സ് എന്നീ ചിത്രങ്ങളില്‍ പൃഥ്വിരാജിനൊപ്പം അഭിനയിച്ചു. എന്നാല്‍ കരിയറില്‍ ബ്രേക്ക് ആവുന്ന വേഷങ്ങള്‍ സിനിമയില്‍ ലഭിച്ചിരുന്നില്ല. അതോടെ സീരിയല്‍ രംഗത്തേയ്ക്ക് താരം തിരിഞ്ഞു. അങ്ങനെ സ്വന്തം എന്ന സീരിയലിലൂടെ മിനിസ്‌ക്രീനിലെത്തി. സാന്ദ്ര നെല്ലിക്കാടന്‍ എന്ന നെഗറ്റീവ് വേഷം പെട്ടന്ന് ശ്രദ്ധിക്കപ്പെട്ടു. അതോടെ പൂര്‍ണമായും സീരിയലില്‍ ശ്രദ്ധ കൊടുക്കുകയായിരുന്നു. കെകെ രാജീവിന്റെ മഴയറിയാതെ എന്ന സീരിയലാണ് ഏറ്റവുമൊടുവില്‍ മലയാളത്തില്‍ ചെയ്തത്. ഇപ്പോള്‍ തമിഴ് സീരിയലുകളില്‍ തിളങ്ങുന്ന മുഖമാണ് ചന്ദ്രയുടേത്. തമിഴില്‍ ഓരോ സീരിയലും തീരാന്‍ വര്‍ഷങ്ങളെടുക്കും അതുകൊണ്ടാണ് മലയാളത്തില്‍ കാണാതിരുന്നത്.
Post Your Comments