മമ്മൂട്ടിയും മോഹന്‍ലാലും ഒരുമിച്ച് ഒരു ചിത്രത്തില്‍ എത്തുന്നത് കാണാന്‍ ആരാധകര്‍ക്ക് ഏറെ താല്‍പ്പര്യമാണ്. സൂപ്പര്‍ താരമായ ശേഷം ഇവര്‍ ഒരുമിച്ചെത്തിയ ചിത്രങ്ങളെല്ലാം തന്നെ ബോക്സോഫീസില്‍ ചരിത്രം എഴുതിയവയാണ്. ‘ട്വന്‍റി ട്വന്‍റി’-ക്ക് ശേഷം ഉദയകൃഷ്ണ സിബി കെ തോമസിന്റെ തിരക്കഥയില്‍ മോഹന്‍ലാലിനെയും മമ്മൂട്ടിയെയും കേന്ദ്രകഥാപാത്രങ്ങളാക്കി പുതിയ സിനിമ വരുന്നുവെന്ന് നേരത്തെ തന്നെ വാര്‍ത്തകള്‍ ഉണ്ടായിരുന്നു, ‘അരക്കള്ളന്‍ മുക്കാകള്ളന്‍’ എന്ന പേരിലാണ് ഇവര്‍ ചിത്രം ചെയ്യാനിരുന്നത്. എന്നാല്‍ ഉദയകൃഷ്ണ-സിബി കെ തോമസ്‌ വഴി പിരിഞ്ഞതോടെ ഈ ചിത്രവും ഉപേക്ഷിക്കപ്പെട്ടു എന്നായിരുന്നു പിന്നീടു വന്ന വാര്‍ത്ത. ഇപ്പോഴിതാ ചിത്രത്തെ സംബന്ധിക്കുന്ന പുതിയ റിപ്പോര്‍ട്ട് പുറത്തു വന്നിരിക്കുകയാണ്. വൈശാഖിന്റെ സംവിധാനത്തില്‍ ഉദയകൃഷ്ണ തിരക്കഥ എഴുതുന്ന ‘അരക്കള്ളന്‍ മുക്കാകള്ളന്‍’ എന്ന ചിത്രത്തില്‍ മമ്മൂട്ടി നായകനാകും എന്നാണ് പുതിയ സൂചന. ചിത്രത്തില്‍ യുവനിരയിലെ പ്രമുഖ താരങ്ങളും ഉണ്ടാകും എന്നാണ് വിവരം.
Post Your Comments