‘തലപ്പാവ്’, ‘ഒഴുമുറി’ എന്നീ രണ്ടു ചിത്രങ്ങള്‍കൊണ്ട് തന്നെ പ്രേക്ഷകരെ വിസ്മയിപ്പിച്ച സംവിധായകനാണ് മധുപാല്‍. മലയാള സിനിമയിലെ അഭിനയ രംഗത്തും ശ്രദ്ധേയനായ അദ്ദേഹം ഒരു ചെറുകഥാകൃത്ത് കൂടിയാണ്. മധുപാല്‍ സംവിധാനം ചെയ്യുന്ന പുതിയ ചിത്രമാണ് ‘ഒരു കുപ്രസിദ്ധ പയ്യന്‍’. ‘വി സിനിമാസ്’ നിര്‍മ്മിക്കുന്ന ചിത്രത്തില്‍ നായകനാകുന്നത് ടൊവിനോ തോമസ്‌ ആണ്. നവാഗതനായ ജീവന്‍ ജോബ്‌ തോമസാണ് ചിത്രത്തിന്റെ രചന നിര്‍വഹിക്കുന്നത്. ഔസേപ്പച്ചന്‍ സംഗീതം നിര്‍വഹിക്കുന്ന ചിത്രത്തിന്റെ പ്രാരംഭഘട്ട ചര്‍ച്ചകള്‍ പുരോഗമിക്കുകയാണ്. വൈകാതെ തന്നെ സിനിമയുടെ ചിത്രീകരണം ആരംഭിക്കും.
Post Your Comments