നീ മോഹന്‍ലാലിനെ കളിയാക്കാതെ എന്നെ കളിയാക്കി അല്ലേ; അബിയോട് അന്ന് മമ്മൂട്ടി പറഞ്ഞതിങ്ങനെ

മുന്‍പൊരിക്കല്‍ ഏഷ്യനെറ്റ് ന്യൂസിലെ ‘101 ചോദ്യം’ എന്ന പ്രോഗ്രാമിനിടെ അബിയോടു ഒരു കുട്ടി ഒരു ചോദ്യം ചോദിക്കുകയുണ്ടായി, ഏതെങ്കിലും ഒരു താരത്തിന്റെ മുന്നില്‍ വെച്ച് ശബ്ദം അനുകരിക്കേണ്ടാതായി വന്നിട്ടുണ്ടോ? എന്നായിരുന്നു കുട്ടിയുടെ ചോദ്യം, നടന്‍ മമ്മൂട്ടിയുടെ മുന്നില്‍ വെച്ച് അങ്ങനെയൊരു സന്ദര്‍ഭം ഉണ്ടായിട്ടുണ്ടെന്നും നല്ല പ്രതികരണം ലഭിച്ചിരുന്നുവെന്നും അബി പങ്കുവെച്ചിരുന്നു. പക്ഷെ മറ്റൊരു രസകരമായ സംഭവത്തെക്കുറിച്ചും അബി അന്ന്‍ തുറന്നു പറഞ്ഞു.

മമ്മൂട്ടിയുടെ വാത്സല്യം എന്ന സിനിമയില്‍ ഒരു വേഷം ചെയ്യാനായി പോകുന്ന അവസരത്തില്‍ മമ്മൂട്ടിയുടെ മറ്റൊരു ചിത്രമായ സൂര്യമാനസം എന്ന ചിത്രത്തെക്കുറിച്ച് പരിഹാസരൂപേണ ഒരു പാരഡി കാസെറ്റ് അബി ഇറക്കിയിരുന്നു, ‘ദന്തമാനസം’ എന്നായിരുന്നു കാസെറ്റിന്റെ പേര്, അത് കേട്ട മമ്മൂട്ടി ഇത് ഇത്തിരി കടന്നു പോയെന്നും നിനക്ക് ആ മോഹന്‍ലാലിനെ കളിയാക്കാന്‍ തോന്നിയിലല്ലോ എന്നും ലൊക്കേഷനില്‍ വെച്ച് അബിയോടു മമ്മൂട്ടി പരിഭവം പറഞ്ഞു.