മലയാളത്തിലെ താരങ്ങള്‍ മാത്രമല്ല ബോളിവുഡിലെ താരങ്ങളും ‘ജിമിക്കി കമ്മല്‍’ എന്ന ഗാനത്തിന് പിറകെയാണ്. ‘ജിമിക്കി കമ്മല്‍’ എന്ന ഗാനത്തോടുള്ള കടുത്ത ആരാധനയെക്കുറിച്ച് അഭിഷേക് ബച്ചന്‍ ട്വിറ്റര്‍ പോസ്റ്റിലൂടെ വ്യക്തമാക്കി. ജിമിക്കി കമ്മല്‍ എന്ന ഗാനം കേള്‍ക്കുന്നത് നിര്‍ത്താന്‍ കഴിയുന്നില്ലെന്നും അദ്ദേഹം ട്വിറ്ററില്‍ കുറിച്ചു.
ജിമിക്കി കമ്മല്‍ പ്രേമം അഭിഷേക് തുറന്നു പറഞ്ഞതോടെ ജൂഡ് ആന്റണിയും കമന്റുമായി രംഗത്തെത്തി. അഭിഷേകിന്റെ ട്വിറ്റര്‍ പോസ്റ്റ്‌ ജിമിക്കി കമ്മല്‍ എന്ന ഗാനത്തിന്റെ സംഗീത സംവിധായകനായ ഷാന്‍ റഹ്മാന്‍ ഷെയര്‍ ചെയ്തിരുന്നു, ഇതിനു അടിയിലായി ജൂഡ് ആന്റണി ഇങ്ങനെ കുറിച്ചു.
“എന്റെ തല കണ്ടാല്‍ പിന്നെ എല്ലാം ഹിറ്റാ”
‘ജിമിക്കി കമ്മല്‍’ എന്ന ഗാനരംഗത്തില്‍ ജൂഡും അഭിനയിച്ചിരുന്നു, വെളിപാടിന്റെ പുസ്തകം എന്ന ചിത്രത്തിലും ജൂഡ് ആന്റണി മുഖ്യമായ ഒരു റോള്‍ കൈകാര്യം ചെയ്തിരുന്നു.
Post Your Comments