ആളുകളെ പിടിച്ചിരുത്താന്‍ ചാനലുകള്‍ ഇപ്പോള്‍ സാഹസിത വിഷയമാക്കാറുണ്ട്. താരങ്ങളെ അണിനിരത്തിക്കൊണ്ടുള്ള വിദേശ ചാനല്‍ ഷോകളെ അനുകരിച്ചു കൊണ്ടാണ് മലയാളത്തിലും അത്തരം റിയാലിറ്റി ഷോകള്‍ നടക്കുകയാണ്. ഇതില്‍ ശ്രദ്ധേയമായ പരിപാടിയാണ് സൂര്യ ടിവിയിലെ സ്റ്റാര്‍ വാര്‍. സീരിയല്‍ താരങ്ങളെ മത്സരാര്‍ത്ഥികളാക്കിയാണ് സ്റ്റാര്‍ വാര്‍ ഷോ ചാനല്‍ സംഘടിപ്പിച്ചിരിക്കുന്നത്. അപകടങ്ങള്‍ ഉണ്ടാകിതിരിക്കാന്‍ പ്രത്യേകം ശ്രദ്ധിക്കുന്നുണ്ടെങ്കിലും മത്സരാര്‍ഥി കൂടിയായ നടി ഞെട്ടിക്കുന്ന ഒരു അപകടത്തില്‍ നിന്നും രക്ഷപെട്ടതിന്റെ ആശ്വാസത്തിലാണ് ചാനലും ഷോയുടെ അണിയറ ശില്‍പ്പികളും സഹ താരങ്ങളും.
ഷോയുടെ ഭാഗമായ മലകയറ്റത്തിനിടയിലാണ് അപകടം. സരയുവും അനീഷ് റഹ്മാനും പെയര്‍ ആയുള്ള ടീമിന്റെ പ്രകടനമായിരുന്നു ഷൂട്ട് ചെയ്തിരുന്നത്. റോപ്പില്‍ തൂങ്ങി മലമുകളിലേക്ക് കയറുകയായിരുന്നു ഇരുവരും. അതിനിടെ അപ്രതീക്ഷിതമായി മലമുകളില്‍ നിന്നും പാറക്കഷ്ണം അടര്‍ന്നു വീഴുക ആയിരുന്നു. ഭാഗ്യം കൊണ്ടു മാത്രമാണ് പാറക്കഷ്ണം ദേഹത്ത് വീഴാതെ സരയു രക്ഷപെട്ടത്. സംഭവം കണ്ട് മറ്റ് സഹ മത്സരാര്‍ത്ഥികളും ഭയന്നു വിറച്ച്‌ നിലവിളിച്ചു.
വീഡിയോ
Post Your Comments