ഇഴുകി ചേര്‍ന്ന് അഭിനയിക്കാന്‍ ആ നടന് മടിയുണ്ടായിരുന്നു, പക്ഷെ അമലാ പോള്‍ വിട്ടില്ല

ബോബി സിംഹയുമായുള്ള പുതിയ ചിത്രത്തില്‍ അമലാ പോള്‍ പരിധിക്കപ്പുറമുള്ള ഗ്ലാമര്‍ വേഷത്തോടെയാണ് പ്രത്യക്ഷപ്പെടുന്നത്. മേനി പ്രദര്‍ശനം കാണിച്ചുള്ള ചിത്രത്തിലെ അമലയുടെ ലുക്ക് സോഷ്യല്‍ മീഡിയയില്‍ നേരത്തെ വലിയ വിവാദമായിരുന്നു. തിരുട്ടു പയലേ 2 എന്ന ചിത്രത്തിലാണ് അമലാ പോള്‍ അതീവ ഗ്ലാമറായി അഭിനയിക്കുന്നത്. ഗ്ലാമര്‍ വേഷങ്ങളിലൂടെ നയന്‍താരയെപ്പോലെ വലിയ പ്രേക്ഷക സ്വാധീനം നേടിയെടുക്കുന്ന എന്നതാണ് അമലയുടെ ലക്ഷ്യമെന്നു കോളിവുഡ് സിനിമാ മാധ്യമങ്ങള്‍ റിപ്പോര്‍ട്ട് ചെയ്യുന്നു. അമലക്കൊപ്പം ഇഴുകി ചേര്‍ന്ന് അഭിനയിക്കാന്‍ മടിച്ചു നിന്ന ബോബി സിംഹയെ അത്തരം രംഗങ്ങളില്‍ അഭിനയിക്കാന്‍ ധൈര്യം പകര്‍ന്നത് അമല പോളാണെന്ന് താരം തന്നെ വ്യക്തമാക്കിയിരുന്നു.കഥാപാത്രത്തെ പൂര്‍ണതയില്‍ എത്തിക്കാന്‍ വേണ്ടി അത്തരം രംഗങ്ങള്‍ മടികൂടാതെ അഭിനയിക്കണം എന്നായിരുന്നു അമലയുടെ നിലപാട്. സുശി ഗണേശന്‍ സംവിധാനം ചെയ്യുന്ന തിരുട്ടു പയലേ 2 തിരുട്ടു പയലേ എന്ന ചിത്രത്തിന്റെ രണ്ടാം ഭാഗമാണ്.