മലയാള സിനിമാപ്രേമികളെ ദുഖത്തിലാഴ്ത്തി പ്രിയ നടന്റെ വിയോഗം. മലയാളത്തിലെ മിമിക്സ് പരേഡിലെ സുപരിചിത മുഖം കലാഭവൻ അബി അന്തരിച്ചു. നിരവധി ചിത്രങ്ങളില്‍ ഹാസ്യ വേഷങ്ങള്‍ അവതരിപ്പിച്ചതിലൂടെ ശ്രദ്ധെയനായ അബി കലാരംഗത്ത് സജീവമായിരുന്നു. അപ്രതീക്ഷിതമായി കലാഭവന്‍ മണിയും കല്പനയും വിടപറഞ്ഞത്‌ പോലെ അബിയും നമ്മോടു വിടപറഞ്ഞു. കൊച്ചിയിലെ സ്വകാര്യ ആശുപതിയിലായിരുന്നു അന്ത്യം. അന്‍പത്തിരണ്ടു വയസ്സായിരുന്നു. രക്തസമ്മര്‍ദ്ധത്തെ തുടര്‍ന്ന് സ്വകാര്യ ആശുപത്രിയില്‍ ചികിത്സയില്‍ ആയിരുന്നു.
സ്റ്റേജ് ഷോകളിലെ മിന്നും താരമായിരുന്ന അബിയുടെ മരണത്തിന്റെ ഞെട്ടലിലാണ് സിനിമാ ലോകം. സിനിമയെക്കാള്‍ മിനിസ്ക്രീനിലെ താരമായിരുന്നു അബി. അമിതാബ് ബച്ചന്റെ ശബ്ദം മനോഹരമായി ആവിഷ്കരിക്കുന്ന മറ്റൊരു കലാകാരന്‍ ഇല്ലെന്നു തന്നെ പറയാം. മകന്‍ ഷെയിന്‍ നിഗം മലയാള സിനിമയില്‍ ശക്തമായ കഥാപാത്രങ്ങളിലൂടെ നായക നിരയിലേയ്ക്ക് ഉയരുന്ന സമയത്താണ് അബിയുടെ മരണം. മലയാള മിമിക്രി രംഗത്തെ അതുല്യ കലാകാരനാണ് വിട വാങ്ങിയിരിക്കുന്നത്.
Post Your Comments