നാടക-സീരിയല്‍-സിനിമ രംഗത്തെ പ്രമുഖ നടന്‍ എം.എസ് വാര്യര്‍ അന്തരിച്ചു. ഇന്ന് പുലര്‍ച്ചെ നാലുമണിയോടെ അങ്കമാലി എല്‍ .എഫ് ആശുപത്രിയില്‍ ആയിരുന്നു അന്ത്യം. 86 വയസ്സായിരുന്നു. നാടക രംഗത്തെ മികച്ച പ്രവര്‍ത്തനങ്ങള്‍ക്ക്കേരള സംഗീത നാടക അക്കാദമി ആദരിച്ച കലാകാരന്‍ കൂടിയാണ് ഇദ്ദേഹം. 2011-ല്‍നാടക രംഗത്തെ സംസ്ഥാനത്തെ എറ്റവും വലിയ പുരസ്ക്കാരമായ എസ്.എല്‍.പുരം അവാര്‍ഡ് ലഭിച്ചിരുന്നു.
കെ.പി.എ.സി, കോട്ടയം കേരള തീയറ്റര്‍, എന്‍.എന്‍.പിള്ളയുടെ വിശ്വ കലാസമിതി ,എസ്.എല്‍ പുരത്തിന്റെ സൂര്യ സോമതീയറ്റേഴ്സ്, ദേശാഭിമാനി തീയറ്റേഴ്സ്, ചങ്ങനാശേരി തരംഗം ഉള്‍പെടെയുള്ള നാടക സമിതികളിലെ നിറസാന്നിദ്ധ്യമായിരുന്നു. പരേതനായ സിനിമാ നടന്‍എം .കെ.വാര്യര്‍ സഹോദരനാണ്.
വളരെക്കാലമായി അങ്കമാലി കിടങ്ങൂരിലായിരുന്നു താമസം. ഭാര്യ പരേതയായ ശ്രീദേവി. മകന്‍:ശ്രീകാന്ത് ( സി.പി.ഐ.എം തുറവൂര്‍ ലോക്കല്‍ കമ്മിറ്റിയംഗം) മരുമകള്‍: സന്ധ്യ.
Post Your Comments