ബോളിവുഡിലെ ഏറ്റവും മൂല്യമേറിയ താരം സല്‍മാന്‍ തന്നെയാണെന്ന് തെളിയിക്കുന്നതാണ് താരത്തിന്‍റെ പുതിയ ചിത്രം ‘ടൈഗര്‍ സിന്ദ ഹായ്’. ഏക്ത ടൈഗറിന്റെ രണ്ടാം ഭാഗമായ ചിത്രം റിലീസിന് തയ്യാറെടുക്കുമ്പോള്‍ ചിത്രത്തിന്‍റെ ട്രെയിലര്‍ ലൈക്കുകളുടെ കാര്യത്തില്‍ ചരിത്രം സൃഷ്ടിക്കുകയാണ്. ഇതിനോടകം 7 ലക്ഷം ലൈക്കുകളോടെ ബോളിവുഡില്‍ റെക്കോര്‍ഡ് സൃഷ്ടിച്ചിരിക്കുകയാണ് ചിത്രത്തിന്‍റെ ട്രെയിലര്‍. ചിത്രത്തില്‍ അഭിനയിക്കുന്നതിനായി സല്‍മാന്‍ 125 കോടിയോളം രൂപ കൈപ്പറ്റിയെന്നാണ് വിവരം. ഇന്ത്യയില്‍ ഏറ്റവും കൂടുതല്‍ പ്രതിഫലം കൈപ്പറ്റുന്ന താരമാണ് സല്‍മാന്‍ ഖാന്‍. ‘സുല്‍ത്താന്‍’ എന്ന ചിത്രത്തില്‍ 80 കോടി രൂപയാണ് സല്‍മാന്‍ പ്രതിഫലമായി വാങ്ങിയത്. ബോളിവുഡിലെ കിംഗ്‌ ഖാന്‍ എന്ന പേര് ഷാരൂഖിനാണെങ്കിലും താരമൂല്യത്തിന്റെ കാര്യത്തില്‍ സല്‍മാനെ കടത്തിവെട്ടാന്‍ ഇന്ന് ഇന്ത്യയില്‍ മറ്റൊരു നടനില്ല.
Post Your Comments