നാദിര്‍ഷയുടെ പുതിയ ചിത്രത്തില്‍ ദിലീപ് നായകനായി അഭിനയിക്കുന്നുവെന്ന് നേരത്തെ വാര്‍ത്തകള്‍ വന്നിരുന്നു. സജീവ്‌ പാഴൂര്‍ രചന നിര്‍വഹിക്കുന്ന നാദിര്‍ഷയുടെ പുതിയ ദിലീപ് ചിത്രത്തിന്റെ കൂടുതല്‍ വിവരങ്ങളാണ് ഇപ്പോള്‍ പുറത്തു വന്നിരിക്കുന്നത്. ‘കേശു ഈ വീടിന്‍റെ നാഥന്‍’ എന്ന് പേരിട്ടിരിക്കുന്ന ചിത്രത്തിന്റെ ചിത്രീകരണം വൈകാതെ ആരംഭിക്കും. ഹ്യൂമര്‍ ട്രാക്കില്‍ കഥ പറയാന്‍ ഒരുങ്ങുന്ന ചിത്രം റിയലിസ്റ്റിക് സ്റ്റൈലിലാകും പ്രേക്ഷകര്‍ക്ക് മുന്നിലെത്തുക. തൊണ്ടിമുതലിന് ശേഷം സജീവ്‌ പാഴൂര്‍ എഴുതുന്ന ചിത്രം കൂടിയാണിത്, ‘കട്ടപ്പനയിലെ ഹൃതിക് റോഷന്‍’ എന്ന ചിത്രത്തിന് ശേഷം നാദിര്‍ഷ സംവിധാനം ചെയ്യുന്ന മൂന്നാമത്തെ ചിത്രമാണ് ‘കേശു ഈ വീടിന്‍റെ നാഥന്‍’.
Post Your Comments