ആ ചിത്രത്തെ അജയ് ദേവഗണ്‍ ഭയപ്പെടുന്നതെന്തിന് !

ചരിത്രങ്ങളും മഹത് വ്യക്തികളും സിനിമയാകുമ്പോൾ പല പ്രശ്‌നങ്ങളും നേരിടേണ്ടി വരുമെന്നതിന്റെ ഉദാഹരണമാണ് ബോളിവുഡ് ചിത്രം പദ്മാവതിയിലൂടെ കണ്ടുകൊണ്ടിരിക്കുന്നത്.വധഭീഷണി വരെ നേരിടുന്ന പദ്മാവതിയിലെ താരങ്ങളെപ്പോലെ ഒരു ബോളിവുഡ് താരം തന്റെ പുതിയ ചിത്രത്തെ ഭയക്കുന്നുണ്ട് .അത് മറ്റാരുമല്ല ബോളിവുഡിലെ മുൻനിര നായകന്മാരിൽ ഒരാളായ അജയ് ദേവഗണാണ്.

തന്റെ പുതിയ ചിത്രമായ ഠാണാജി ദി അണ്‍സങ് വാരിയറില്‍ മറാത്തി രാജവംശത്തിന്റെ സേനാനായകനായ ഠാണാജി മാലുസരേയുടെ ജീവിതം വെള്ളിത്തിരയിലവതരിപ്പിക്കുന്നത് അജയ് ആണ്.ഠാണാജി എന്ന ചിത്രം മറാത്ത രാജവംശത്തിന്റെ പടനായകനായ മാലുസരേയുടെ ജീവിതമാണ് പറയുന്നത്. പ്രതാപ്ഗഡ് യുദ്ധത്തില്‍ കൊല്ലപ്പെട്ട ധീര യോദ്ധാവാണ് മാലുസരേ.പദ്മാവതി നിർമിച്ച അതേ നിർമാണ കമ്പനിയാണ് ഈ ചിത്രവും നിർമിക്കുന്നത്. അതുകൊണ്ട് തന്നെ തിരക്കഥ വളരെ ശ്രദ്ധിച്ചനാണ് കൈകാര്യം ചെയ്യുന്നത്.