മലയാളത്തില്‍ ഏറ്റവും കൂടുതല്‍ പോലീസ് കഥാപാത്രങ്ങളെ അവതരിപ്പിച്ചിട്ടുള്ള താരങ്ങളാണ് മമ്മൂട്ടിയും, സുരേഷ് ഗോപിയും. ഇവര്‍ കാക്കി വേഷങ്ങളിലെത്തിയ ഭൂരിഭാഗം ചിത്രങ്ങളും ബോക്സോഫീസില്‍ ചരിത്രം സൃഷ്ടിച്ചവയാണ്. പോലീസ് കഥാപാത്രങ്ങള്‍ നിരവധി അവതരിപ്പിച്ച ഇവരുടെ റെക്കോര്‍ഡ് മറികടക്കാനാണ് നടന്‍ ഇന്ദ്രജിത്തിന്റെ വരവ്, യുവനിരയില്‍ ഏറ്റവും കൂടുതല്‍ പോലീസ് കഥാപാത്രങ്ങളെ അവതരിപ്പിച്ച താരമാണ് ഇന്ദ്രജിത്ത്. ഇന്ദ്രജിത്തിന്റെ പുതിയ തമിഴ് ചിത്രമായ നരഗാസുരനിലും താരം പോലീസ് വേഷത്തിലാണ് എത്തുന്നത്. ‘ധ്രുവങ്ങള്‍ പതിനാറ്’ എന്ന സിനിമയ്ക്ക് ശേഷം കാര്‍ത്തിക് നരേയ്ന്‍ സംവിധാനം ചെയ്യുന്ന ചിത്രത്തിലാണ് ഇന്ദ്രജിത്ത് പോലീസ് കുപ്പായത്തിലെത്തുന്നത്.
മമ്മൂട്ടിയുടെയും, സുരേഷ് ഗോപിയുടെയും ശ്രദ്ധേയമായ പോലീസ് വേഷങ്ങള്‍ക്ക് ശേഷം അവര്‍ക്ക് വെല്ലുവിളി ഉയര്‍ത്തുന്ന തരത്തിലുള്ള പോലീസ് വേഷങ്ങളാണ് ഇന്ദ്രജിത്ത് സുകുമാരന്റെയും മാസ്റ്റര്‍ പീസ്‌. മലയാളത്തില്‍ തന്നെ ഒട്ടേറെ ത്രില്ലര്‍ ചിത്രങ്ങളില്‍ അഭിനയിച്ചു കഴിഞ്ഞ ഇന്ദ്രജിത്ത് തമിഴില്‍ അഭിനയിക്കുന്നത് ഒരു നീണ്ട ഇടവേളയ്ക്ക് ശേഷമാണ്. ത്രില്ലര്‍ സിനിമയായ നരഗാസുരന്റെ ടീസര്‍ സോഷ്യല്‍ മീഡിയയില്‍ വന്‍ ഹിറ്റായിരുന്നു, ചിത്രത്തിലെ താരത്തിന്റെ പോലീസ് ഗെറ്റപ്പിന് വലിയ സ്വീകാര്യതയാണ് ആരാധകരില്‍ നിന്ന് ലഭിച്ചത്.
Post Your Comments