ഗായികയെ പരിഹസിച്ച ഋഷി കപൂറിനെതിരെ കടുത്ത വിമർശനങ്ങളുമായി ആരാധകർ

ബോളിവുഡ് താരം ഋഷി കപൂർ ട്വിറ്ററിൽ പങ്കുവെച്ച ഒരു ചിത്രമാണിപ്പോൾ ആരാധകരുടെ വിമർശങ്ങൾ ഏറ്റുവാങ്ങുന്നത്. ലോകത്തിലെ ഏറ്റവും അധികം പ്രതിഫലം വാങ്ങുന്ന അമേരിക്കന്‍ ഗായിക ബിയോണ്‍സെയെ പരിഹസിച്ചാണ് ഋഷി ഇപ്പോള്‍ ട്വിറ്ററില്‍ പണി വാങ്ങിയിരിക്കുന്നത്. ഗര്‍ഭിണിയായ ബിയോണ്‍സെയെ ഒരു പൂപ്പാത്രത്തോട് ഉപമിച്ചുകൊണ്ടായിരുന്നു ഋഷിയുടെ പരിഹാസം. നിറവയറുമായി ഓറഞ്ച് നിറത്തിലുള്ള ഗൗണ്‍ ധരിച്ച് തലയില്‍ പൂക്കളുമായി നില്‍ക്കുന്ന ബിയോണ്‍സെയുടെ ചിത്രത്തിനൊപ്പം അതേ നിറത്തിലുള്ള ഒരു പൂച്ചട്ടി വച്ചുകൊണ്ടാണ് ഋഷി ട്വിറ്റ് ചെയ്തത്.

എന്നാൽ ആരാധകർ ഋഷിയുടെ ട്വിറ്ററിനെതിരെ വിമർശനങ്ങളുമായി രംഗത്തെത്തി.സ്ത്രീകളെക്കുറിച്ച് ട്വീറ്റ് ചെയ്യുമ്പോള്‍ അല്‍പംകൂടി മാന്യതയാവാമെന്നാണ് ചിലര്‍ അഭിപ്രായപ്പെട്ടത്. മദ്യപിച്ചിട്ടാണോ ട്വീറ്റ് ചെയ്യുന്നത് എന്നായിരുന്നു ചിലരുടെ ചോദ്യം.രണ്ട് പെഗ്ഗാണോ അതോ ഫുള്‍ ബോട്ടിലാണോ കഴിച്ചതെന്നാണ് മറ്റൊരു ചോദ്യം. ഒരു സ്ത്രീയെ ഇങ്ങനെ അപമാനിക്കാന്‍ നാണമില്ലേ എന്നു ചിലര്‍ ചോദിച്ചു. ഒരു പുഷ്പത്തെ വയറ്റിൽ പേറുന്ന അവരെ പൂപ്പാത്രത്തോടാണോ ഉപമിക്കുന്നതെന്ന് ചിലർ.ശകാരങ്ങൾ കൂടിയതോടെ ഋഷി കപൂർ ചിത്രം പിൻവലിക്കുകയും ചെയ്തു.

Phool Khilen hain Gulshan Gulshan! pic.twitter.com/MtpnVPujoB

— Rishi Kapoor (@chintskap) November 20, 2017