നീണ്ട ഇടവേളയ്ക്ക് ശേഷം തമിഴ് സൂപ്പര്‍താരം വിക്രം മലയാളത്തില്‍ അഭിനയിക്കുന്നുവെന്ന് വാര്‍ത്ത. മലയാള സിനിമയിലൂടെ തുടക്കം കുറിച്ച വിക്രം തമിഴകത്തെ സൂപ്പര്‍ താരമായി മാറുകയായിരുന്നു.
മോഹന്‍ലാലിനോടും മമ്മൂട്ടിക്കുമൊപ്പം ആദ്യ കാലങ്ങളില്‍ അഭിനയിച്ച താരം വര്‍ഷങ്ങള്‍ക്ക് ശേഷം മലയാളത്തില്‍ മടങ്ങിയെത്താനുള്ള തയ്യാറെടുപ്പിലാണെന്ന് റിപ്പോര്‍ട്ടുകള്‍. ബിജു മേനോന്‍ നായകനാകുന്ന റോസാപൂ എന്ന ചിത്രത്തിലാണ് വിക്രം അഭിനയിക്കുന്നതെന്നും സ്ഥിരീകരിക്കാത്ത റിപ്പോര്‍ട്ട്.
തമീന്‍ ഫിലിംസിന്റെ ബാനറില്‍ ഷിബി തമീന്‍സാണ് റോസാപ്പൂ നിര്‍മ്മിക്കുന്നത്. വിക്രമിന്റെ ഇരുമുഖന്‍ നിര്‍മ്മിച്ചത് ഷിബി തമീന്‍സാണ്. സാമിയുടെ രണ്ടാം ഭാഗമായ സാമി സ്ക്വയര്‍ നിര്‍മ്മിക്കുന്നത് അദ്ദേഹമാണ്, ഈ ബന്ധത്തിലൂടെയാണ് വീണ്ടും മലയാളത്തില്‍ അഭിനയിക്കാന്‍ താരം എത്തുന്നതെന്നും വാര്‍ത്തകള്‍ പ്രചരിക്കുന്നു.
ധ്രുവം, സൈന്യം, ഇന്ദ്രപ്രസ്ഥം, മാഫിയ, രജപുത്ര, ഇന്ദ്രിയം ഇതാ ഒരു സ്നേഹഗാഥ, മയൂരനൃത്തം എന്നീ മലയാള ചിത്രങ്ങളില്‍ വിക്രം അഭിനയിച്ചിട്ടുണ്ട്. സ്കെച്ച് ആണ് വിക്രം നായകനായി ഉടന്‍ തിയേറ്ററില്‍ എത്തുന്ന ചിത്രം.
Post Your Comments