തമിഴിലെ പേര്കേട്ട ഹിറ്റ് കൂട്ടുകളിലൊന്നാണ് അജിത്ത് – ശിവ ടീം. അജിത്തിന്‍റെ അവസാനമായി പുറത്തിറങ്ങിയ ‘വിവേകം’ എന്ന ചിത്രത്തിന്റെ സംവിധായകന്‍ ശിവ ആയിരുന്നു. നേരത്തെ ‘വീരം’, ‘വേതാളം’ തുടങ്ങിയ അജിത്ത് ചിത്രങ്ങളും ശിവ ആയിരുന്നു സംവിധാനം ചെയ്തത് , വീണ്ടും അജിത്ത് ശിവ ടീം ഒന്നിക്കുകയാണ്. വിശ്വാസം എന്ന് പേരിട്ടിരിക്കുന്ന ചിത്രത്തിന്റെ ചിത്രീകരണം വൈകാതെ ആരംഭിക്കും. അടുത്ത ദീപാവലി റിലീസായി ചിത്രം പ്രേക്ഷകര്‍ക്ക് മുന്നിലെത്തും. അജിത്ത് – ശിവ കൂട്ടുകെട്ടില്‍ അവസാനമിറങ്ങിയ വിവേകത്തിനു ബോക്സോഫീസില്‍ വലിയ ചലനം സൃഷ്ടിക്കാനായില്ല.
Post Your Comments