മലയാള സിനിയിലെ കൗണ്ടര്‍ കോമഡികളുടെ സുല്‍ത്താന്‍ ആരെന്ന് ചോദിച്ചാല്‍ നിസംശയം പറയാം നടന്‍ മാമുക്കോയ ആണെന്ന്. മാമുക്കോയയുടെ സിനിമാ ആരംഭ നാളുകളില്‍ ഇത്തരം കൗണ്ടറുകള്‍ അടിച്ചാണ് അദ്ദേഹം ചെറിയ ചെറിയ വേഷങ്ങളില്‍ നിന്ന് ഉയരങ്ങളിലേക്ക് പിടിച്ചു കയറിയത്. 1990-ല്‍ തുളസീദാസിന്‍റെ സംവിധാനത്തില്‍ പുറത്തിറങ്ങിയ ‘കൗതുക വാര്‍ത്തകള്‍’ എന്ന ചിത്രത്തില്‍ മാമുക്കോയ ഒരു ഉഗ്രന്‍ വേഷം ചെയ്തിരുന്നു, മോഡേണ്‍ പാചകക്കാരനായ മാമുക്കോയ ചിത്രത്തിലേക്ക് രംഗപ്രവേശം ചെയ്യുന്നതോടെ പിന്നെ ചിരിയുല്‍സവമാണ്, അന്ന് മാമുക്കോയ പറഞ്ഞ ഒരു ഗംഭീര കൗണ്ടര്‍ കേട്ട് പ്രേക്ഷകരെല്ലാം ആര്‍ത്തു ചിരിച്ചിരുന്നു.
ചിത്രത്തില്‍ മുകേഷിന്റെ കഥാപാത്രം മാമുക്കോയോയുടെ കഥാപാത്രത്തോട് ഇക്ക ഭയങ്കര ഗ്ലാമാര്‍ ആണല്ലോ എന്ന് പറയുന്നുണ്ട് ഇതിനുള്ള മാമുക്കോയയുടെ മറുപടിയാണ് പ്രേക്ഷകരെ പൊട്ടിച്ചിരിപ്പിച്ചത്, “അതിനു ആര്‍ക്കാ ഇവിടെ അഭിപ്രായ വ്യത്യാസമുള്ളതെന്നായിരുന്നു കോഴിക്കോടന്‍ സ്ലാഗില്‍ മാമുക്കോയ തട്ടിവിട്ടത്”. നാടോടി കാറ്റിലെ ഗഫൂറും കണ്‍കെട്ടിലെ കീഴേരി അച്ചുവും, മഴവില്‍ കാവടിയിലെ കുഞ്ഞി ഖാദറുമൊക്കെ കൗണ്ടര്‍ കോമഡികളുടെ സുല്‍ത്താന്‍മാരാണ്.
Post Your Comments