വേണു നഗവള്ളിയുടെ സംവിധാനത്തില്‍ രസകരമായ പ്രണയകഥ പറഞ്ഞ ചിത്രമായിരുന്നു മോഹന്‍ലാല്‍ നായകനായി അഭിനയിച്ച ‘ഏയ്‌ ഓട്ടോ’. സുധി എന്ന ഓട്ടോ ഡ്രൈവറായി പ്രേക്ഷകരെ വിസ്മയിപ്പിച്ച മോഹന്‍ലാലിന്‍റെ ഏറ്റവും മികച്ച കൊമ്മേഴ്സിയല്‍ സിനിമകളില്‍ ഒന്നായിരുന്നു ‘ഏയ്‌ ഓട്ടോ’, ചിത്രത്തില്‍ മോഹന്‍ലാലിന്‍റെ ‘സുന്ദരി’ എന്ന ഓട്ടോയും ജനപ്രീതി നേടിയിരുന്നു. അമൃത ടിവിയിലെ പ്രോഗ്രാമായ ‘ലാല്‍ സലാം’ ഷോയില്‍ ഏയ്‌ ഓട്ടോയുടെ വിശേഷങ്ങള്‍ മോഹന്‍ലാലും കൂട്ടരും പങ്കുവയ്ക്കുന്ന അവസരത്തിലായിരുന്നു , സൂപ്പര്‍ താരം മോഹന്‍ലാലിനോടും സുധി എന്ന ഓട്ടോക്കാരനോടും ഒരു ഓട്ടോ ഡ്രൈവര്‍ ആ ചോദ്യം ചോദിച്ചത്.
“സുന്ദരികളായ പെണ്‍കുട്ടികള്‍ ഓട്ടോയില്‍ കയറുമ്പോള്‍ അവര്‍ക്ക് ശല്യമാകാത്ത രീതിയില്‍ എങ്ങനെ പരിചയപ്പെടാം”? എന്നായിരുന്നു ആരാധകന്റെ ചോദ്യം.
സ്വതസിദ്ധമായ ശൈലിയില്‍ മോഹന്‍ലാല്‍ അതിനു മറുപടിയും നല്‍കി
“ശല്യമാകാത്ത രീതിയില്‍ പരിചയപ്പെടണമെങ്കില്‍ മിണ്ടാതിരിക്കുകയെ നിര്‍വാഹമുള്ളു”, മോഹന്‍ലാല്‍ ചിരിയോടെ പറയുന്നു.
“നമ്മുടെ ഓട്ടോ റിക്ഷ നന്നായി സൂക്ഷിക്കുക, നല്ല രീതിയില്‍ നമ്മള്‍ വസ്ത്രധാരണം ചെയ്യുക അവരോടു മാന്യമായി പെരുമാറുക, അപ്പോള്‍ പെണ്‍കുട്ടികള്‍ ഇങ്ങോട്ട് വന്നു പരിചയപ്പെട്ടോളും” മോഹന്‍ലാല്‍ ആരാധകന വീണ്ടും ഓര്‍മ്മപ്പെടുത്തി.
Post Your Comments