സിനിമയ്ക്ക് മുമ്പേ പാട്ടുകൾ ഹിറ്റാകുന്ന ചരിത്രം മലയാളത്തിൽ ആദ്യമല്ല.മലയാളത്തിലെ സൂപ്പർ താരം ജയറാമിന്‍റെ മകൻ കാളിദാസ് ജയറാം നായകനാകുന്ന ആദ്യ മലയാള ചിത്രമാണ് പൂമരം.ചിത്രത്തിലെ ഞാനും ഞാനുമെന്റാളും എന്ന ഗാനം പുറത്തിറങ്ങിയതുമുതൽ ഇന്നുവരെ ഹിറ്റായി ഓടിക്കൊണ്ടിരിക്കുകയാണ്.
ഈ ഗാനം പുറത്തിറങ്ങി ഒരുവർഷം പിന്നിട്ടിട്ടും ചിത്രം ഇതുവരെ പുറത്തിറങ്ങിയില്ല എന്നത് ആരാധകരെ ഏറെ നിരാശപ്പെടുത്തി.അതുകൊണ്ടുതന്നെ ആ നിരാശ ട്രോളുകളിലേക്ക് നയിക്കുകയാണുണ്ടായത്. എന്നാൽ ട്രോളുകൾക്ക് മറുപടിയും കൂടാതെ ഗാനമിറങ്ങിയതിന്റെ ഒന്നാം വാര്‍ഷികം ആഘോഷിച്ച് കൊണ്ട് കാളിദാസ് ജയറാം സോഷ്യല്‍ മീഡിയയില്‍ പങ്കുവച്ച ചിത്രത്തിനും വീണ്ടും ട്രോള്‍ മഴയാണ് നേരിടേണ്ടി വന്നത്.
പൂമരം ക്രിസ്തുമസിനെത്തുമെന്ന വാര്‍ത്തയും ഏത് ക്രിസ്തുമസ് എന്ന പ്രേക്ഷകരുടെ ചോദ്യത്തിന് എല്ലാ വര്‍ഷവും ക്രിസ്തുമസ് ഉണ്ടല്ലോ എന്ന ഉത്തരവുമായി സംവിധായകന്‍ വരുന്നതും സൂപ്പര്‍ഹിറ്റ് ചിത്രം പഞ്ചാബി ഹൗസിലെ കോമഡി രംഗങ്ങള്‍ വച്ചാണ് ട്രോളിറക്കിയിരിക്കുന്നത്.കൂടാതെ മിസ്റ്റര്‍ ബീനും തേന്മാവിന്‍ കൊമ്പത്തും മീശമാധവനുമെല്ലാം ടോളിൽ ഉൾപ്പെടുത്തിയിട്ടുണ്ട്.
ഒരു ക്യാമ്പസ് പശ്ചാത്തലത്തിലൊരുങ്ങുന്ന പൂമരത്തില്‍ കാളിദാസിനെക്കൂടാതെ കുഞ്ചാക്കോ ബോബന്‍, മഞ്ജു വാരിയര്‍, മീര ജാസ്മിന്‍ തുടങ്ങിയവരാണ് പ്രധാന വേഷങ്ങളില്‍ എത്തുന്നത്.
Post Your Comments