സെലിബ്രിറ്റികളുടെ ചെറിയ പിഴവുകള്‍ പോലും ട്രോളര്‍മാര്‍ വെറുതെ വിടാറില്ല. പുതിയ ട്രോള്‍ സൂപ്പര്‍ താരം കാജോളുമായി ബന്ധപ്പെട്ടതാണ്. സൂപ്പര്‍ താരങ്ങളായ അമിതാഭ് ബച്ചനും കമല്‍ഹാസനുമൊപ്പമുള്ള ഫോട്ടോ പങ്കുവച്ചപ്പോള്‍ കാജോള്‍ പരാമര്‍ശിച്ച കാപ്ഷന്‍ ആണ് താരത്തെ ചതിച്ചത്. ‘രണ്ട് അതികായർക്കൊപ്പമുള്ള സെൽഫി ടൈം’ എന്നായിരുന്നു ഫോട്ടോയ്ക്ക് കാജോള്‍ തലക്കെട്ടായി നല്‍കിയത്. എന്നാലിത് സെല്‍ഫി ചിത്രമായിരുന്നില്ല ഗ്രൂപ്പ് ഫോട്ടോയായിരുന്നു. സെല്‍ഫി എന്താണെന്ന് അറിയില്ലങ്കില്‍ പഠിപ്പിച്ച് തരാമെന്നും, സെല്‍ഫിയാണെങ്കില്‍ സെല്‍ഫി സ്റ്റിക്ക് എവിടെ എന്നുമൊക്കെ ഫോട്ടോയ്ക്ക് താഴെ ഒട്ടേറെപ്പേര്‍ കമന്റ് ചെയ്തു.
Post Your Comments